ՀՀ-ում ԴԵՌ գործում է մերժված Սերժի հագով կարված օտարածին սահմանադրությունը, որը, որպես տաք պատմուճան, այսօր իր ուսերին է գցել ՀՀ վարչապետ ընտրված Նիկոլ Փաշինյանը:
Վերջինից բացի, ԴԵՌ ոչ ոք չի տեսել այն փաստաթուղթը, համաձայն որի՝ սերժանշանակ ՀՀ նախագահն առ այսօր բրիտանահպատակ չէ, ուստի ԴԵՌ անհայտ է, թե փակ դռների հետևում ին՞չ մութ գործարք է կնքվել նրա և ժողովրդական խանդավառ ոգևորության թևերով դեպի վարչապետություն սլացող Նիկոլ Փաշինյանի միջև:
ՀՀ վարչապետ Նիկոլ Փաշինյանը դեռ չի ձերբազատվել, «հանուն խաղաղության և բարեկեցիկ կյանքի», զավթիչ թուրքին հող զիջելու կամ փոխզիջումների գնալու վաղեմի հակումից:
ՀՀ տարածքում օրենքի ուժով ԴԵՌ չի արգելված հայ ժողովրդի և հայոց պետականության դեմ բազմաթիվ ոճիրներ ու հանցանքներ գործած ՀՀԿ կուսակցության գործունեությունը, ԴԵՌ ավելին՝ հայաստանյան մանր ու մեծ համայնքների գերակշիռ մասը ԴԵՌ գտնվում են հհկ-ական պաշտոնյաների տնօրինության տակ, որոնք ԴԵՌ հույսեր են փայփագում, որ շուտով կրկին վերադառնալու են իշխանության: ՀՀԿ-ն ԴԵՌ իր կազմում ունի 150 000 անդամ, ինչը փոքր թիվ չէ:
Սերժական «արդարադատությունը» ԴԵՌ շարունակում է անխափան գործել, ինչի հետևանքով քաղբանտարկյաները և բազմաթիվ ազնիվ, անմեղ ու հայրենասեր հայեր ԴԵՌ հեծում են բանտերում ու կալանավայրերում:
Հայաստանի ընդերքը ԴԵՌ գիշատչաբար թալանվում է, Հայաստանի բնությունը ԴԵՌ անխճորեն ապականվում է:
Ահա, հաշվի առնելով դառը ԴԵՌ-երի այս ոչ ամբողջական շարանը՝ ես, որպես հայ ազգային ընտրանու ներկայացուցչական խմբի կողմից բարձր վարկանիշի արժանացած մտավորական, որպես ՀԱՅՔ-ի կազմավորման նախաձեռնող խմբի անդամ և ՖԲ-ի ՀՄՖ խմբի գլխավոր համակարգող՝ դիմում և կոչ եմ անում սփյուռքահայ համայնքներին և մեծահարուստներին, որ ԴԵՌ ձեռնպահ մնան ՀՀ տնտեսության «զարգացման» կամ այլ բարեգործական նպատակներով ՀՀ բանկային համակարգում խոշորամասշտաբ ներդրումներ կատարելուց: Հուսախաբությունը կարող է ավելի մեծ ու դառը լինել, քան եղել է ԼՏՊ-ի, ՌՔ-ի կամ ՍՍ-ի օրոք:
Մի՛ խաբվեք դատարկ խոսքերով ու սին հավաստիացումներով:
Անհամեմատ ավելի նպատակահարմար և օգտակար կլինի, եթե ձեր դրամական միջոցներն ու գործարարական կարողությունները ներդնեք Սփյուռքի հայաշատ օջախներում Համահայկական Բանկի բաժանմունքներ ստեղծելու գործում, որոնց տնօրինումն ու վերահսկումն ամբողջությամբ կլինի ձեր ձեռքերում: Դրանով իսկ՝ մեծապես կնպաստեք համահայկական ՀԱՅՔ Արարչապետության շուտափույթ կազմավորման ու կայացման հայրենանվեր գործին:
Խաչիկ-Ապեր
14.05.2018թ.
