пятница, 28 июня 2019 г.

«ՍԱՍՆԱ ԾՌԵՐ» ՀԱՄԱԶԳԱՅԻՆ ՇԱՐԺՈՒՄ ԿԱՄ ԱՅՆ ՄԱՍԻՆ, ԹԵ ԻՆՉՊԵՍ ԿԱԶՄԱՎՈՐԵԼ ՀԱՄ (Հայ Ազգային Միաբանություն)

Հայ ազգին ու նրա պետական կազմավորումներին սպառնացող հարաճուն վտանգներն ու մարտահրավերներն ստիպում են ինձ մեկ անգամ ևս բարձրաձայնել Հայ Ազգային Միաբանություն (ՀԱՄ) կոչվող համահայկական կառույց ստեղծելու հրատապ անհրաժեշտության մասին:
Ազգայնական գաղափարներով տոգորված քաղաքական ուժերը պետք է անհապաղ վերջ տան հատվածական անարդյունավետ պայքարին և մեկ միասնական բռունցք դառնան ապազգային ու ազգադավ ուժերի գործունեությունը Հայաստանում և Սփյուռքում կասեցնելու համար:
Կարծում եմ, որ այդ ուղղությամբ առաջին քայլը պետք է նախաձեռնի «Սասնա Ծռեր» համահայկական կուսակցության վարչությունը՝ հատուկ նիստով (կամ արտահերթ համագումարով) իրեն վերանվանելով «Սասնա Ծռեր» Համազգային Շարժում: 
Երկրորդ քայլով՝ նշված Շարժմանը պաշտոնական հայտարարություններով պետք է հարեն ազգայնական գաղափարներով տոգորված բոլոր կուսակցությունները, ՀԿ-ները, առանձին անկուսակցական քաղաքական գործիչներ և մտավորականներ: Ըստ իս, ԱԺ վերջին ընտրություններում «Սասնա Ծռեր» համահայկական կուսակցությունը պարտություն կրեց և ԱԺ չանցավ զուտ այն պատճառով, որ ազգայնական ուժերը «ձիերը կապվեցին կառքի հետևից»: Նախ պետք է համազգային Շարժում ծավալվեր, կազմավորվեր ՀԱՄ-ը, որն էլ կապահովեր ազգայնական ուժերի անվերապահ հաղթանակը: Սակայն հիմա էլ ուշ չէ նշված միաբանության ճանապարհով գնալու համար: 
Երրորդ կարևոր քայլը, որ պետք է արվի՝ դա ՀԱՄ հռչակումն է մինչև այս տարվա վերջը Երևանում հրավիրված առաջին Համաժողովի միջոցով:
ՀԱՄ առաջին Համաժողովը պետք է հռչակի և հրապարակի իր նպատակները և այդ նպատակներին հասնելու քիչ թե շատ հստակ ձևակերպված (նախնական) ծրագրային դրույթները:
ՀԱՄ կազմավորումից հետո, ներկայիս «Սասնա Ծռեր» համահայկական կուսակցության հիմնադիր անդամներն ու ակտիվիստները ցանկության դեպքում կարող են կրկին համանուն կամ այլ անվամբ կուսակցություն ստեղծել, որպեսզի ընդունված ժողովրդավարական ընտրութան ճանապարհով գան իշխանության: Բնական է, որ ամբողջ ՀԱՄ-ը ջանադիր կերպով կնպաստի դրան:
Ի գո՛րծ...
Խաչիկ-Ապեր
27.06.2019թ.

пятница, 21 июня 2019 г.

ՆՈՐ ՈՒՂԵՐՁ ԼՈՒՅՍԻ ՎԵՐԻՆ ՈՒԺԵՐԻՑ

Ես ձեզ արթնացման կանչ եմ հղում՝ դեպի Նոր Օր և նոր իրականություն

Էլոհիմ Կիկլոպեոս
20 հունիսի, 2019թ.

ԵՍ ԵՄ Էլոհիմ Կիկլոպեոսը:

Իմ այսօրվա գալուստը կապված է վերջին ժամանակներում տեղի ունեցած իրադարձությունների մի ամբողջ շղթայի հետ:

Դրանցից նույնիսկ ամենակարևորները շարադրելու համար հարկ կլինի, որ չափից դուրս իջեցնեմ Իմ թրթիռները, իսկ դուք ստիպված կլինեք ձեր գիտակցությամբ հնարավորինս մերձենալ Ինձ:

Եվ այսպես, մեզ վիճակված է վեր կանգնել առօրյա ունայնից և մեր հայացքը հառել Երկրում տեղի ունեցող իրադարձությունների վրա:

Ես պահպանում եմ Աստծո Տեսլականը մոլորակի իրավիճակի համար: Սակայն ձեզ հայտնի է, որ առանց Եղբայրության Երկրի վրա մարմին առած ներկայացուցիչների՝ Մեզ համար դժվար է իրականացնել մոլորակի համար նախատեսված աստվածային պլանը:

Վիթխարի աստվածային թողության շնորհը, որն սկզբնավորվեց 15 տարի առաջ, նպատակ ուներ փոխել մոլորակի քաղաքակրթության զարգացման ընթացքը և այն ուղղել դեպի աստվածային հուն:

Այդ խնդրի իրականացման համար Եղբայրության Սրբազան Մենաստաններում նախապատրաստություն էին անցել լավագույն հոգիներ: Նրանք համապատասխան ուսուցում էին անցել և վառվում էին իրենց բոլոր ուժերն ու ունակությունները գործի դնելու ցանկությամբ, որպեսզի Երկիր մոլորակի հնարավորինս մեծ քանակությամբ հոգիների կարողանան օգնել հնարավորինս շուտ դուրս գալու զարգացման աստվածային ուղի:

Դրա համար պահանջվում էր ամենասեղմ ժամկետներում ընդօրինակման նմուշ ստեղծել ֆիզիկակական ոլորտում, որին հետևելով հնարավոր կդառնար մոլորակում տարածել ճշմարիտ կերպեր՝ նախ և առաջ երեխաների կրթության ասպարեզում:

Սակայն համայն Տիեզերքում գործող հիմնական օրենքներից մեկը՝ դա Ազատ Կամքի Օրենքն է: Մարմին առած անհատն ընտրություն է կատարում և որոշում է կայացնում՝ ելնելով այդ Օրենքից: Եվ նույնիսկ այնժամ, երբ Մենք հստակ տեսնում ենք, որ տվյալ հոգին սխալ ընտրություն է կատարում և շեղվում մարմնավորումից առաջ իր իսկ ընդունած աստվածային պլանից, Մենք չենք կարող միջամտել:

Ցավալի է գիտակցել կարմայի բեռի ողջ ծանրությունը, որն ընկավ այդ մարդկանց ուսերին:

Մենք շարունակում ենք պահպանել Աստծո այն Տեսլականը, համաձայն որի՝ մոլորակի էվոլյուցիան դեպի աստվածային ուղի պետք է սկսվի այն տարածքից, որը ներկայումս զբաղեցնում է Ռուսաստանը:

Սակայն մի շարք մարդկանց նախընտրանքների շարանը հանգեցրեց կարմայական իրավիճակի վատթարացմանը: Այդ սխալ ընտրությունների հետևանքով մարդկանց գիտակցությունը նեղացավ: Նեղացավ այնքան, որ բազմաթիվ հոգիներ չեն հասկանում, թե ինչ է կատարվում և դեպի ուր մղվել:

Շատերն ունակ չեն ամբողջովին ընկալելու Մեր Ուղերձներն ու Մեր առաջնորդությունը:

Ստեղծված իրավիճակում չի հաջողվի խուսափել կորուստներից, աղետներից ու դժբախտություններից: Հավանականություն կա, որ իր աստվածային առաքելությունը չկատարած Ռուսաստանն իր ներկայիս տեսքով այլևս կդադարի գոյություն ունենալ:

Բայց դա չի նշանակում, որ Մենք հրաժարվել ենք այդ երկրի և համայն մարդկության համար նախատեսված Մեր պլաններից:

Նոր Դարաշրջանն իր նոր էներգիաներով անկասելիորեն ներխուժում է Երկիր մոլորակի կյանքի մեջ:

Հին էներգիաներն ու կառավարման հին եղանակները դատապարտված են կործանման:

Լուսակիրների նոր սերունդը՝ 21-րդ դարի սերունդը, արդեն նախապատրաստված է մեր Սրբազան Մենաստաններում: Հենց հիմա վրա է հասնում այն ժամանակը, երբ այդ սերունդն իր գործուն տարիքի մեջ է մտնում:

Այդ հրեղեն հոգիները զուրկ են այն դոգմաներից, որոնք կաշկանդում էին նախորդ սերունդներին: Նրանք պատրաստ են բարեփոխություններին, և հենց Նոր Դարաշրջանի էներգիաներն են երիտասարդությանն առաջ մղում, որ աստվածային փոփոխություններ իրականացնեն մարդկային կյանքի բոլոր բնագավառներում:

Սակայն քանի որ նախորդ սերունդը չհոգաց մանուկների ու երիտասարդության դաստիարակության համար, ապա գլխավոր վտանգը, որ սպառնում է երիտասարդ սերնդին՝ այն հրապուրանքներն ու գրավչություններն են, որոնք քմայքներ են հարուցում և ծնում ոչ աստվածային սովորություններ ու կապվածություններ: Որքան դժվար են լինում փորձությունները, այնքան շատ ձեռքբերումներ է ունենում հոգին՝ անցնելով այդ փորձություններն ու հաղթանակ տոնելով պատրանքային դրսևորումների նկատմամբ: Նոր սերնդի կողմից ճիշտ ընտրություններ կատարելուց մի քանի տարի հետո կարող է բացվել նոր աստվածային հնարավորություն:

Մենք անհամբեր սպասում ենք, թե լուսակիրների նոր սերունդը երբ կյանք կմտնի և իր իր վրա կվերցնի լիակատար կարմայական պատասխանատվություն: Սկսվում է հաջորդ կոսմիկական բոլորաշրջանը: Էլ ավելի հզոր էներգիաներ են մուտք գործում Երկիր: Այդ պայմաններում, երբ առկա են Նոր Դարաշրջանի էներգիաները, կկարողանա գոյատևել միայն այն, ինչն ամեն ինչով բավարարում է աստվածային սկզբունքներին:

Եղբայրության Սրբազան Մենաստաններում ներկայումս մարմնավորման է պատրասվում լուսակիրների նոր խումբ: Ուստի Ես չեմ հոգնում կրկնելուց, որ մարմնավորվածներիդ վրա կարմայական պատասխանատվություն է դրված այդ հոգիներին ընդունելու և դաստիարակելու համար:

Ուսմունքի ամրակուռ հիմքն արդեն առկա է մոլորակում: Սակայն պահանջվում է հոգածություն և խնամք տածել նոր սերնդի մարդկանց նկատմամբ, որոնց առաքելությունը մոլորակն ամբողջությամբ փոխելն է:

Մարմնավորված և սխալ ընտրություններ կատարծ շատ հոգիներ հիմա արդեն զղջում և ցանկանում են գործով շտկել իրենց թույլ տված սխալները: Պաշտելի Գուան Ինը՝ Բարեգթության ու Կարեկցանքի  Աստվածուհին, արդեն հարց է մտցրել ներկայումս ընթացող Կարմայական Վարչության նիստում, որ թեթևացվի զղջացող այդ հոգիների կարմայական բեռը:

Սիրելինե՛րս, դուք մարմնավորվել եք, որպեսզի գիտակցեք ձեր անմահ էությունը և հաղթեք պատրանքային ուժերին: Ձեզնից ամեն ոք պետք է հաղթանակ տոնի պատրանքային դրսևորումների նկատմամբ: Այդ հաղթանակը պետք է լինի ձեր թերությունների, ձեր գիտակցության ոչ աստվածային վիճակների նկատմամբ: Եվ այդ ներքին հաղթանակը պետք է արտացոլվի ֆիզիկական դրսևորմամբ:

Որքան շատ անհատներ հաղթանակ տոնեն իրենց ներսում, այնքան ավելի արագ Երկրում կթևակոխի Ոսկեդարը:

Ես պահպանում եմ Երկիր մոլորակի Ոսկեդարի տեսլականը:

Իսկ մոլորակի այսօրվա վիճակը հիշեցնում է գիշերային մղձավանջներ:

Ես ձեզ արթնացման կանչ եմ հղում՝ դեպի Նոր Օր և նոր իրականություն...

Միշտ Հաղթանակ...

ԵՍ ԵՄ Էլոհիմ Կիկլոպեոսը

Տատյանա Միկուշինա, 2019թ.
                                                                                                                  թարգմանեց Խ. Մանասելյանը

четверг, 6 июня 2019 г.

ՀՐԱՏԱՊ և ԿԱՐԵՎՈՐ ՍԱՀՄԱՆԱԴՐԱԿԱՆ ՓՈՓՈԽՈՒԹՅԱՆ ԱՌԱՋԱՐԿ

Արցախում ծայր առած և աստիճանաբար թափ հավաքող իշխանական գզվռտոցին վերջ տալու և Արցախը սահուն կերպով մարզի կարգավիճակով Հայաստանին միացնելու համար անհրաժեշտ է ՀՀ-ում սահմանադրական փոփոխության հանրաքվե իրականացնել (մինչև 2020 թվականի սկիզբը կամ կեսերը), որին պարտադիր կերպով պետք է մասնակցեն նաև Արցախի բնակիչները:
Այդ սահմանադրական փոփոխության իմաստը պետք է լինի այն, որ մարզպետներին պետք է ընտրեն մարզերի բնակիչները: Դրանից հետո (2020թ-ի երկրորդ կեսին) ինչպես Արցախում, այնպես էլ ներկայիս ՀՀ մարզերում ժողովուրդը կընտրի արժանի մարզպետներ, և մենք կունենանք մեկ միասնական, արժանապատիվ հայկական պետություն, որի մարզերից մեկը կլինի Արցախը՝ իր ընտրյալ մարզպետով:
Արցախում 2020 թվականին կամ դրանից հետո երբևէ չպետք է տեղի ունենան նախագահական կամ խորհրդարական ընտրություններ, որովհետև դրանք արմատապես կհակասեն միասնական հայ ժողովրդի ազգային շահերին և խիստ բացասական ազդեցություն կունենան նրա խաղաղ կյանքի ու բարեկեցության վրա, ինչպես որ եղել է Արցախի ազատագրումից մինչև հիմա:
Խաչիկ-Ապեր
06.06.2019թ.