ԴԻՄԱԿԱՀԱՆԴԵՍ
Թուրքն ուզում է ջարդի, փրթի,
Հայից խլի նոր հատված,
Իսկ հայերս ծռտի-պռտի
Բաներով ենք զբաղված:
Դավաճանին ով պարսավի,
Կտուգանվի հինգ միլիոն.
Շա՜տ ճարպիկ է նոր հարամին՝
Քաղտեխնոլոգ-քամելիոն:
Հաղթանդամ ու կերած-խմած
Ինչքան հայ կա աշխարքում,
Ուսադիր ու դիմակ դրած՝
Դավաճանին է փրկում:
Անջատել են ուղեղները,
Միայն փորն է աշխատում,
Թափ են տալիս մահակները,
Հային ծեծում ու դատում:
Իսկ թուրքի դեմ գնաց կռվեց
Խիզախ, անփորձ պատանին,
Զոհվեց մարտում, չնվիրեց
Իր սիրածին մատանի...
Խաչիկ-Ապեր
13.02.2021 թ.
