понедельник, 19 сентября 2022 г.

ՍԱՏԱՆԻ ՔԱՄԻՆ ՈՒ ՄԱՐԱԳԸ

 ՍԱՏԱՆԻ ՔԱՄԻՆ ՈՒ ՄԱՐԱԳԸ

Սատանի քամին մարագին ասաց՝ դուռ-լուսամուտդ լայն բաց արա, դարման բերեմ լցնեմ։
Մարագը պատասխանեց՝ դու իմ միջի խոտը մի՛ տար, քո բերած դարմանն ինձ պետք չի։
Առակս զի՞նչ ցուցանէ - սատանի քամին ռուս-թուրքական դաշինքն է, մարագը՝ հայոց հողը։
Ո՜վ հայ մարդ, քո երկրի դռներն ու ականջներդ պինդ փակած պահիր ռուս-թուրքական դաշինքի շողոքորթ լեզվի դեմ։ Այն ոչ թե խաղաղություն է բերում քեզ, այլ՝ ավեր ու կոտորած։ Քանի՞ անգամ քո աչքով տեսնես, ականջովդ լսես, որ վերջապես հասկանաս․․․
Խաչիկ-Ապեր
19․09․2022թ․

четверг, 15 сентября 2022 г.

ԱԶԱՏՈՒԹՅՈՒՆ ԱՊՍՏԱՄԲՆԵՐԻՆ

 ԱԶԱՏՈՒԹՅՈՒՆ ԱՊՍՏԱՄԲՆԵՐԻՆ


Ռսաթուրքական հակահայ դաշինքի շահերը սպասարկող ՀՀ նախագահ Սերժ Սարգսյանին պաշտոնանկ անելու նպատակով 2016 թ-ին ապստամբության դրոշ պարզած Սասնա ծռերը, որոնք կրեմլի պահանջով դատապարտվեցին և բանտ նետվեցին գաղութային երկրի կեղծ ու շինծու քրեական օրենքների հիման վրա, պետք է անհապաղ ազատ արձակվեն:

Խաչիկ-Ապեր
16.09.2022թ.

понедельник, 20 декабря 2021 г.

ՏԵՐ ՇԻՎԱՅԻ ՎԵՐՋԻՆ ՈՒՂԵՐՁԸ

 

Այսօրվա Իմ Ուղերձը շատ քչերին հասկանալի կլինի

Տեր Շիվա

19 դեկտեմբերի, 2021 թ.

ԵՍ ԵՄ Շիվան... Ես եկա...

Այսօր Ես պատրաստ եմ լուրջ խոսակցության և հստակ հասկանում եմ, որ այն, ինչի մասին այսօր կխոսեմ, կհասկանան շատ քչերը նույնիսկ նրանցից, ովքեր երկար տարիներ կարդում էին Մեր Ուղերձները:

Եվ այսպես՝ հայտնի է, որ Տիեզերքում ամենայն ինչ գոյություն ունի Աստծո էներգիայի շնորհիվ: Աստծո էներգիան առկա է համայն Արարվածում և ապահովում է դրա գոյությունը: Երբ Աստծո էներգիան բացակայում է, ամեն ինչ ցրիվ է գալիս, քանի որ այլևս չի լինում այն, ինչով կապակցվում է մատերիան:

Աստծո էներգիան ձեր աշխարհ մուտք է գործում լուսակիրների չակրաների միջով և ապա բաշխվում ամբողջ ֆիզիկական աշխարհում՝ ապահովելով նրա գոյությունը:

Մենք ասել ենք, որ այժմ Երկիրն ապրում է իր կրիտիկական, բեկումնային ժամանակը: Որպեսզի անցումային շրջանը հաջող ընթանա, մարմնավորման էին ուղարկվել մարդկության լավագույն ներկայացուցիչները: Մենք խոսել ենք 144 հազար մարդկային անհատականությունների մասին, որոնք օժտված էին քրիստոս-էակներ դառնալու ներուժով: Դա հենց այդպես էր այն ժամանակ, երբ Մենք սկսեցինք աշխատել Մեր Դեսպանորդ Տատյանայի միջոցով: Մեր Ուղերձների և մարմին առած լուսակիրների օգնությամբ Մենք պլանավորել էինք մոլորակում իրականացնել արագ ու անցավ աստվածային կերպափոխություն:

Սակայն հետո չպլանավորված բաներ տեղի ունեցան: Լուսակիրները կարդում էին Մեր Ուղերձները, լսում էին Մեր Դեսպանորդին, բայց չէին առաջնորդվում Մեր հանձնարարականներով: Մեր Ուղերձներում եղան հարյուրավոր հանձնարարականներ ու խորհուրդներ, որոնք փոխանցեցինք Մեր Դեսպանորդի միջոցով: Գործնականում բոլոր  դրանք անտեսվեցին լուսակիրների մեծ մասի կողմից:

Ի՞նչ է դա նշանակում. ամեն մի ոչ ճիշտ ընտրությունից հետո չակրաները թեթևակի փակվում են, ինչի հետևանքով բարակում է ձեր աշխարհ մուտք գործող Աստծո էներգիայի հոսքը: Ամբողջ 18 տարվա ընթացքում, երբ Մեր Դեսպանորդի միջոցով բացված էր աստվածային հնարավորություն, գործնականում բոլոր լուսակիրները կատարեցին իրենց ընտրությունը, այդ թվում և վերջնական ընտրությունը: Լուսակիրների չակրաները դադարեցին Աստծո Լույսը փոխանցել աշխարհին: Իսկ Ուսմունքից ձեզ հայտնի է, որ այն աշխարհը, որն աստվածային էներգիա չի ստանում, ենթակա է ոչնչացման: Ուստի մոտակա ժամանակներում աշխարհը կփլուզվի:

Իհարկե, մարմնավորման մեջ դեռևս մնացել են առանձին անհատականություններ, որոնց ներսում դեռ բոցկլտում է Աստծո Կայծը: Սակայն այդպիսի անհատականությունների քանակը չափազանց փոքր է:

Այն բանին համընթաց, երբ լուսակիրները կատարում էին իրենց ընտրությունը, և չակրաներն էլ մեկը մյուսի հետևից փակվում էին՝ նրանք կորցնում էին զանազանման շնորհն ու մյուս աստվածային հատկանիշները: Նրանց սկսում էր թվալ, թե Աստծո Ճշմարտություն և՛ այստեղ կա, և՛ անտեղ: Մեր Ուղերձների ընթերցանությամբ նրանք այլևս բավարարվածություն և էներգիա չէին ստանում, քանի որ հետաճ էին ապրել իրենց այն օրգանները, որոնցով ընկալում էին Մեր էներգիաները:

Մեր էներգիաները յուրացնելու անկարողությունը հանգեցրեց ուժերի անբավարարության, ընկճախտի, ապրելու ցանկության կորստի: Լուսակիրները պասիվացան և ենթարկվեցին հոգեվիճակը քայքայող արտաքին ազդեցությունների ու ներշնչումների:

Նրանցից շատերը նույնիսկ համաձայնեցին փոխել իրենց աստվածային էությունը՝ ենթարկվելով, այսպես կոչված, պատվաստման: Փաստորեն դա հրաժարում էր Աստծո տված կերպից՝ ԴՆԹ-ի կառուցվածքը փոխելու համաձայնություն, հրաժարում Աստծո կոդից:

Մարդիկ կամովին հրաժարվեցին աստվածակերպ լինելուց: Հոգու մահից հետո վրա է հասնում ֆիզիկական մարմնի մահը:

Սկզբում մարդիկ հրաժարվում են աստվածային հատկանիշներից, դավաճանում Մեզ, Մեր Ուսմունքին և Մեր Դեսպանորդին, հետո փակվում են չակրաները և վրա է հասնում Հոգու մահը:

Այնուհետև մոլորակն ամբողջությամբ հայտնվում է հակադիր ուժերի տիրապետության տակ, որոնց գործը՝ աստվածային բարեշրջությանը ոչ պիտանի մարդկության ոչնչացումն է:

Դա արվում է ամենաճարտար մեթոդներով: Սննդով, օդով ու ջրով մարմինը հագեցվում է այնպիսի վնասակար նյութերով, որոնք վերջնականապես քայքայում են մարդու էներգետիկական կառուցվածքը: Զանազան ճառագայթումների ազդեցությամբ անհնար է դառնում նույնիսկ այն մարդկանց չակրաների համակարգի գործառությունը, որոնց չակրաները երբևէ բաց են եղել:

Աշխարհն ավելի ու ավելի է կտրվում Աստծո էներգիայից և ավելի ու ավելի է մոտենում լիակատար ավերման սահմանագծին:

Պատճառը լուսակիրների ոչ ճիշտ ընտրությունն է՝ այն 144 հազար լուսակիրների, որոնք պետք է դառնային քրիստոս-էակներ, սակայն իրենց այդ ընտրությամբ կորցրին աստվածայնությունը և դադարեցին կատարել իրենց գործառույթը՝ աշխարհին փոխանցել Աստծո էներգիան:

Նրանք կորցրին զանազանելու կարողությունը և բռնեցին դավաճանության, բամբասանքի, խեղաթյուրման, ստի, խաբեության, խաբեբայության ու գողության ուղին:

Ելք կա՞ արդյոք... Եվ ի՞նչ անեն նրանք, ովքեր դեռ չեն կորցրել Աստծո Կայծը...

Քանի որ լուսակիրների մեծ մասի էներգետիկական համակարգը քայքայված է, նրանք այլևս հնարավորություն չունեն գործելու նուրբ ոլորտում: Այդ ոլորտում ճակատամարտը տանուլ է տրված: Մնում է գործել ֆիզիկական ոլորտում: Դուք նաև չեք կարող կիրառել բռնություն չգործելու սկզբունքը, քանի որ արդեն չունեք դրա համար անհրաժեշտ Ոգու ուժը: Աշխարհում սպասվում են կույր, եղբայրասպան պատերազմներ: Սակայն սեփական հողի, սեփական ընտանիքի և սեփական տան պաշտպանության նպատակով արդարացի պատերազմ վարելը կարող է ձեզ համար Ուղի բացել:

Ես շատ լավ եմ հասկանում, որ զանազանման, ինտուիցիայի և այլ աստվածային հատկանիշերի բացակայության պարագայում շատ դժվար է ճիշտ ընտրություն կատարել և շարժվել ճիշտ ուղղությամբ: Մնում է, որ հույսներդ դնեք ձեր հիշողության վրա, ըստ դրա գցեք-բռնեք և գուշակեք ճիշտ ուղղությունը:

Հարկ կլինի, որ մարդանման էակը վերագտնի իր մարդկային կերպարանքը, վերագտնի իր ինտելեկտը և դրան հատուկ քննադատական մտածողությունը, ազատամտությունը, պարզ և անկախ մտածելակերպը:

Հարկ կլինի կյանքին վերադարձնել բարոյականությունն ու խղճի մտոք կենսակերպը, վերհիշել մարգարեների ու դեսպանորդների տված Պատվիրանները:

Հարկ կլինի կյանքի բոլոր դրսևորումները զարդարել գեղեցկությամբ, վերհիշել երաժշտության, ճարտարապետության, գեղարվեստի ճիշտ կերպերը:

Աստվածային Ուղուն վերադառնալը հեշտ չի լինի: Բայց դա հնարավոր կլինի նրանց համար, ովքեր ցանկություն կունենան պահպանել իրենց Հոգին և լինել Աստծո հետ:

Պաշտելի Ալֆան, ով 2002-2003 թվականների սահմանագծում այս դեսպանորդին՝ Տատյանային 18 տարի առաջ աստվածային հնարավորություն տվեց, Ինձ խնդրեց ձեզ հաղորդել, որ Ինքը հետ է վերցնում այդ աստվածային հնարավորությունը:

18 տարվա՝ մեկուկես 12-ամյա շրջափուլի ընթացքում, մեր նախաձեռնություններից և ոչ մեկը լուսակիրներն իրականություն չդարձրին: Այն, ինչ չի օգտագործվում՝ հետ է վերցվում:

Այսօրվա Իմ Ուղերձը հասկանալի կլինի նրանցից շատ քչերի համար, ովքեր կարդում են Մեր Ուղերձները, և բացարձակապես հասկանալի չի լինի նրանց համար, ովքեր դեռևս չեն սկսել կարդալ Մեր Ուղերձները:

Ի դեպ, ներկայումս Մեր Ուղերձները կարդալ սկսող հարյուր մարդուց միայն մեկն է, որն ունակ է դրանք կարդալ մինչև վերջ: Մարդիկ կարդալուց հետ են վարժվում և, հետևաբար, մտածելուց են հետ վարժվում և, հետևաբար, դադարում են մարդ լինել...

Բայց դա ձեր սեփական ընտրությունն էր, որ կատարեցիք ձեր ազատ կամքով...

Ես հրաժեշտ եմ տալիս ձեզ:

ԵՍ ԵՄ Շիվան...

Տատյանա Միկուշինա, 2021 թ.

                                                                                                   թարգմանեց Խ. Մանասելյանը

среда, 15 декабря 2021 г.

ԳԵՐԵՎԱՐՎԱԾՆԵՐԸ ԴԱՍԱԼԻՔՆԵՐ ՉԵՆ

 Նողկալի սրիկաներ և հայ ազգի դավաճաններ են բոլոր նրանք, ովքեր 2020 թ-ի նոյեմբերի 9-10-ին ստորագրված հիմնազուրկ ու անտրամաբանական եռակողմ հայտարարությունից հետո, իրավիճակի կտրուկ փոփոխությամբ առաջացած զանազան հանգամանքների բերումով, գերեվարված և դժոխային հալածանքերի ենթարկված հայ զինվորներից որևէ մեկին կհանդգնեն դասալիք ու դավաճան անվանել կամ դատական գործ հարուցել նրա դեմ:

Իրավիճակի կտրուկ փոփոխության և դրանով պայմանավորված գերեվարումների ամբողջ մեղքն ու պատասխանատվությունն ընկած է երեք հոգու՝ Փաշինյանի, Պուտինի և հատկապես Ալիևի ուսերին, որոնք զինադադարի եռակողմ հայտարարագիր ստորագրեցին, բայց անշեղորեն չհետևեցին իրենց իսկ ստորագրած պահանջներին ու պարտավորություններին: Այդ երեք հոգին պատերազմի հանցագործներ են և պետք է կանգնեն միջազգային դատարանի առջև:
Խաչիկ-Ապեր
16.12.2021թ.

понедельник, 21 июня 2021 г.

ԲԱԲԱՋԻԻ ՆՈՐ ՈՒՂԵՐՁԸ

 


ԻՄ Ուղերձի նպատակն է՝ արթնացնել նրանց, ովքեր դեռևս ունակ են արթնանալու պատրանքի քաղցր քնից
 

Պաշտելի Բաբաջի

20 հունիսի, 2021 թ.

 

ԵՍ ԵՄ Բաբաջին...

Այսօր Ես կրկին եկել եմ, որպեսզի դուք մեկ անգամ ևս հիշեք Մեր գոյության և Մեր Ուսմունքի մասին:

Ես եկել եմ ձեզ հիշեցնելու այն Օրենքի մասին, որը գործում է այս Տիեզերքում: Հիշեցնելու այն Սիրո մասին, որը միշտ ձեզ հետ պետք է լինի: Քանզի առանց այդ Սիրո, որը պարուրում է ձեր ողջ էությունը և ընդգրկում ողջ աշխարհը՝ ողջ Արարչությունը, դուք այլևս չեք կարող շարունակել ձեր գոյությունը:

Վախն ու գիտակցության բացասական վիճակներն առաջանում են հենց այնտեղ, որտեղ Սեր չկա:

Ուստի ձեր կյանքերի ընթացքում առաջնայինը պետք է լինի Սիրո զգացման վերականգնումը:

Իմ և մյուս Վեհապետների Ուղերձներում ոչ մի նոր բան չկա, որը Մենք նախկինում՝ բազմահազար տարիներ առաջ, տված չլինեինք իմաստունների, մարգարեների և դեսպանորդների միջոցով:

Այնուհանդերձ հարկ է, որ պարբերաբար ձեզ հիշեցնենք մեր գոյության մասին, որպեզի դուք իմանաք, որ մենակ չեք Տիեզերքում:

Մենք մշտապես հետևում ենք ձեր զարգացմանն ու հոգևոր Ուղով ձեր առաջխաղացմանը: Եվ այնժամ, երբ էվոլյուցիան հասնում է իր զարգացման կրիտիկական կետին և Երկիր մոլորակի բանական քաղաքակրթության բուն գոյությունը հայտնվում է սպառնալիքի տակ, Մենք չենք կարող չգալ և ձեզ չհիշեցնել Մեր Ուսմունքի հիմնադրույթները:

Մենք բազմիցս խոսել ենք ցանկությունների հաղթահարման և ձեր աշխարհի պատրանքային դրսևորումներից հրաժարվելու անհրաժեշտության մասին:

Սակայն ծուլության և անխելամտության պատճառով Մեր հետևորդները հարկ եղած ուշադրություն չեն հատկացնում Մեր ցուցումներին:

Օրինակ՝ այժմ պատրանքը մի շարք նոր թակարդներ է լարել ձեր գիտակցության համար, որոնք ձեզ շեղում են Ուղուց: Փափուկ ու աննկատ: Խոսքս վերաբերում է խելացի հեռախոսների ու, այսպես կոչված, սոցիալական ցանցերի հետ ձեր կապվածությանը: Ինչի՞ց որոշեցիք, թե կապվածության այդ տեսակները ձեր հոգիներին ավելի քիչ վնաս են հասցնում, քան ալկոհոլը, նիկոտինը, ոչ ճիշտ ռիթմով երաժշտությունը, թմրանյութերը, մոլի խաղերը...

Սոցիալական ցանցերում անցկացրած ձեր մի ժամը մի ամբողջ տարով հետ է գցում Ուղով ձեր առաջընթացը: Իսկ կանոնավոր կերպով սոցիալական ցանցերից մեկ տարի օգտվելը կարող է ընդմիշտ ձեզ զրկել էվոլյուցիոն զարգացման հնարավորությունից:

Հաջորդ հարցը, որը Ես կցանկանայի լուսաբանել Իմ այս Ուղերձում՝ Մեր Դեսպանորդի նկատմամբ վերաբերմունքն է: Ես արդեն ասել եմ իմ նախորդ Ուղերձներում[i], որ Մեր Դեսպանորդի նպատմամբ դրսևորած ձեր վերաբերմունքով ենք Մենք դատում, թե ձեր քաղաքակրթությունն ունա՞կ է արդյոք հետագա զարգացման, թե՞ լրացնելու է անցյալի ձախողված քաղաքակրթությունների աղբակույտը:

Եկեք միասին քննարկենք:

Երկրի մարդկության հետ մենք աշխատում ենք միլիոնավոր տարիներ: Հիմնական հոգևոր աշխատանքն ու ուսուցումը Մենք անցկացնում ենք հատուկ ստեղծված վայրերում՝ Եղբայրության Աշրամներում: Մեր այս Դեսպանորդի Առաքելության սկզբում այդպիսի մի Աշրամ ստեղծվեց Օմսկի մոտակայքում: Դա հինավուրց ուժային կենտրոն է, որտեղից Մենք պլանավորել էինք տարածել Մեր Ուսմունքը և մարդկության գիտակցությունը բարձրացնել նոր մակարդակի:

Մեր սաների պարտականությունն է՝ հոգ տանել Մեր Դեսպանորդին և անհրաժեշտ պայմաններ ապահովել Ուսմունքի տարածման համար:

Մի քանի տարվա ընթացքում Մենք Ուղերձներ տվեցինք Մեր Դեսպանորդի Աշրամում՝ շրջակա տարածքը հագեցնելով Աստվածային թրթռանքներով: Ձեզ մնում էր միայն վերցնել Մեր տված Շնորհը և աչքի լույսի պես այն պաշտպանել հակադիր ուժերի ներկայացուցիչներից:

Սակայն Մեր այդ առաջնակետը (ֆորպոստը) զավթեցին հակադիր ուժերը: Պղծեցին ու ավերեցին այն:

Ծանր կարմա նստեց այն լուսակիրների ուսերին, որոնք հատուկ մարմնավորվել էին, որպեսզի պաշտպանեն Մեր Առաքելությունը Ռուսաստանում:

Այդ կարման այնքան նեղացրեց լուսակիրների գիտակցությունը և մթագնեց տեսողությունը, որ նրանք դադարեցին Լույսը խավարից տարբերել և հասկանալ Մեր Ուսմունքի ամենապարզ դրույթները:

Մարդիկ, որոնք Երկրի աղը պետք է դառնային[ii], դրսևորեցին դավաճանության և ուրացման դառը պտուղներ:

Ի՞նչ կվիճակվի նրանց... Դեն նետվել ու փռվել այն ճանապարհին, որով կընթանան ապագա էվոլյուցիոն կենսահոսքերը:

Կան սխալներ, կան մոլորություններ և կան մեղքեր: Ամեն բան կարելի է հասկանալ ու ներել: Սակայն ամենածանր մեղքի՝ դավաճանության համար, ո՛չ արդարացում կարող է լինել, ո՛չ էլ ներում:

Մեր Դեսպանորդի մարմիններին ամրացված Լույսի Կիզակետը պաշտպանելու համար Մենք ստիպված եղանք Դեսպանորդին դուրս հանել Ռուսաստանի սահմաններից:

Երբ որևէ մարդ դատապարտելի արարք է կատարում Մեր Դեսպանորդի նկատմամբ, նա կարմա է ստեղծում, որը նստում է նրա ցեղի մի քանի սերնդի ուսերին:

Մեր այս Դեսպանորդի պարագայում այնպես ստացվեց, որ Ռուսաստանի պետական մարմիններն սկսեցին հետապնդել և ճնշումներ գործադրել Դեսպանորդի, ինչպես նաև նրա հարազատների ու մերձավորների նկատմամբ:

Մեր Դեսպանորդի պատմուճանի առանձնահատկությունն այնպիսին է, որ Դեսպանորդի դեմ ուղղված ցանկացած արարք անդրադառնում է պատմուճանից և հազարապատիկ ուժով վերադառնում նրան, ով թույլ է տվել այդ արարքը: Դա վերաբերում է ինչպես չար կամքն ի կատար ածող առանձին մարդ-կատարածուներին, այնպես էլ ամբողջական երկրներին, որոնք հարկ եղած պատվի չեն արժանացնում Մեր Դեսպանորդին:

Ռուսաստանի հետ Մենք մեծ հույսեր էինք կապել: Ներկայումս այդ հույսերն արդարացված չեն:

100 տարվա ընթացքում Ռուսաստանը երկու անգամ մերժեց Մեծ Սպիտակ Եղբայրության օգնության ձեռքը:

Առաջին անգամ դա տեղի ունեցավ 20-րդ դարի սկզբին, երբ մերժվեց Ռերիխների ընտանիքի միջոցով փոխանցված Մեր Ուղերձը, իսկ երկրորդ անգամ՝ 21-րդ դարի սկզբին, երբ Ռուսաստանի տարածքում հետապնդումների ենթարկվեց Մեր Դեսպանորդը:

Երկիրը, որը մերժում է Մեր օգնությունը և հալածանքների ենթարկում Մեր Դեսպանորդին, չի կարող իր գոյությունը շարունակել որոշակի պատմական ժամանակահատվածից այն կողմ և դատապարտված է մասնատման ու մահվան:

Տվյալ երկրի բնակչության մեծամասնությունը չի հասկանա իր գլխին թափվող աղետների ու դժբախտությունների պատճառը: Սակայն Ես կկրկնեմ ևս մեկ անգամ՝ երկրներն իրենց ընտրությունը կատարում են իրենց լավագույն ներկայացուցիչների ձեռամբ:

Ավա՜ղ, ձեր լավագույն ներկայացուցիչները գարշելի ոչխարներ դուրս եկան, իսկ որոշ գառան մորթով գայլեր շարունակում են սողոսկել նրանց շարքերը, որպեսզի վերջնականապես մոլորեցնեն[iii]:

Ես ուզում եմ, որ ձեր գլուխը մտնի այն բանի պատճառի ըմբռնումը, որը շուտով տեղի կունենա և արդեն տեղի է ունենում:

Չար դևեր գոյություն չունեն մինչև այն պահը, քանի դեռ նրանք չեն տեղավորվել ձեր գիտակցության մեջ: Երբ լուսակիրները չեն կատարում իրենց առաքելությունը, մոլորակը հայտնվում է հակադիր ուժերի իշխանության տակ:

Երկար ժամանակ չի կարող գոյատևել այն քաղաքակրթությունը, որն ինքն իրեն կտրել է Աստծուց և Նրա Օրենքից:

Այդպես եղել է անցյալի շատ քաղաքակրթությունների հետ, այդպես կլինի նաև ձեր քաղաքակրթության հետ:

Զրկվելով Լույսի Կիզակետից և Մեր Ուղերձների անմիջական փոխանցումից՝ Ռուսաստանի լուսակիրները չկարողացան իրենց գիտակցությունը պահել հարկ եղած մակարդակի վրա և կատարեցին երկրի համար իրենց ընտրությունը: Քանի որ, համաձայն Աստծո մտահղացման, Ռուսաստանը պետք է ուղի ցույց տար ամբողջ աշխարհին, ապա վերջինս ամբողջությամբ հայտնվեց քաոսի ու խառնաշփոթի գոտում:

Առանց Աստծո էներգիայի ոչինչ չի կարող գոյատևել:

Իսկ ո՞րն է ելքը:

Ելք միշտ կա՝ վերադառնալ զարգացման Աստվածային Ուղի:

Ընդունել Մեր առաջնորդությունը և պահպանել Աստծո Պատվիրանները: Չխախտել Բարոյական Օրենքը:

Պատվել Աստծուն, Վեհապետներին և Մեր Դեսպանորդներին:

Իմ այսօրվա Ուղերձի նպատակն էր՝ արթնացնել նրանց, ովքեր դեռևս ունակ են արթնանալու պատրանքի քաղցր քնից:

Մեր օգնությունը միշտ կարող է ցուցաբերվել: Բայց դրա համար պետք են հոգիներ, որոնք ունակ են սխրանքի, ինքնազողության, սպասավորության: Հոգիներ, որոնք իրենց անոթները նախապատրաստել են Աստծո էներգիայի համար, որով Մենք միշտ պատրաստ են լցնել մաքուր սրտերը:

ԵՍ ԵՄ Բաբաջին

 

Տատյանա Միկուշինա, 2021թ.

թարգմանեց Խ. Մանասելյանը

  

 



[i] Պաշտելի Բաբաջի, 5 դեկտեմբերի 2009թ., 20 հունիսի 2010թ.

[ii] Մտթ., 5:13

[iii] Սանատ Կումարա, 19 դեկտեմբերի 2020թ.

понедельник, 24 мая 2021 г.

ԱԶԳԱՅԻՆ ԱԶԱՏԱԳՐԱԿԱՆ ՊԱՅՔԱՐԻ ՇԱՐԺԻՉ ՈՒԺԸ և ԻՐԱԳՈՐԾՈՂԸ

ԱԶԳԱՅԻՆ ԱԶԱՏԱԳՐԱԿԱՆ ՊԱՅՔԱՐԻ ՇԱՐԺԻՉ ՈՒԺԸ և ԻՐԱԳՈՐԾՈՂԸ 

Ազգային ազատագրական պայքարի հաղթանակի գրավականը՝ հայ ժողովրդի ԱՆԿՈՒՍԱԿՑԱԿԱՆ ՄԵԾԱՄԱՍՆՈՒԹՅԱՆ համախնբումն է իրապես ազգային հայրենասեր առաջնորդի կամ առաջնորդների շուրջ:

Որպես առաջին քայլ՝ պետք է բոյկոտել հունիսի 20-ի կուսակցապետական ընտրությունը: Այն հայ ժողովրդի ԱՆԿՈՒՍԱԿՑԱԿԱՆ ՄԵԾԱՄԱՍՆՈՒԹՅԱՆ շահերից չի բխում և հանգեցնելու է հայոց պետականության վերջին նշույլների կորստին:

Հունիսի 20-ի կուսակցապետական-«ժողովրդավարական»-ապազգային ընտրությունն ի վիճակի է բոյկոտել միայն ըմբոստացած և ազգային ազատագրական պայքար սկսած հայ ժողովրդի ԱՆԿՈՒՍԱԿՑԱԿԱՆ ՄԵԾԱՄԱՍՆՈՒԹՅՈՒՆԸ:


Խաչիկ-Ապեր
24.05.2021թ.

пятница, 12 февраля 2021 г.

ԴԻՄԱԿԱՀԱՆԴԵՍ

 ԴԻՄԱԿԱՀԱՆԴԵՍ

Թուրքն ուզում է ջարդի, փրթի,
Հայից խլի նոր հատված,
Իսկ հայերս ծռտի-պռտի
Բաներով ենք զբաղված:
Դավաճանին ով պարսավի,
Կտուգանվի հինգ միլիոն.
Շա՜տ ճարպիկ է նոր հարամին՝
Քաղտեխնոլոգ-քամելիոն:
Հաղթանդամ ու կերած-խմած
Ինչքան հայ կա աշխարքում,
Ուսադիր ու դիմակ դրած՝
Դավաճանին է փրկում:
Անջատել են ուղեղները,
Միայն փորն է աշխատում,
Թափ են տալիս մահակները,
Հային ծեծում ու դատում:
Իսկ թուրքի դեմ գնաց կռվեց
Խիզախ, անփորձ պատանին,
Զոհվեց մարտում, չնվիրեց
Իր սիրածին մատանի...
Խաչիկ-Ապեր
13.02.2021 թ.