ԱՐԱՄԱԶԴ-ՍԱՆԱՏ ԿՈՒՄԱՐԱՅԻ ՆՈՐ ՈՒՂԵՐՁԸ

Մեր Առաքելությունը Ռուսաստանում ավարտված է

Սանատ Կումարա

20 հունիսի, 2018 թ.

ԵՍ ԵՄ Սանատ Կումարան: Այսօրվա իմ գալուստը, սիրելինե՛րս,  պայմանավորված է Կարմայական Վարչության նիստից ձեզ վերջին լուրեր հաղորդելու անհրաժեշտությամբ:

Ինձ տխուր պարտականություն է վիճակվել ձեզ տեղեկացնելու, որ Մեր Առաքելությունը, որը Մենք վերջին 14 տարիների ընթացքում Ռուսաստանում  իրականացնում էինք Մեր Դեսպանորդի միջոցով, ավարտված է:

Կարմայական Վարչությունն ստիպված էր նման որոշում ընդունել, քանի որ Ռուսաստանի բնակիչներին  Մեր Ուսմունքը հասցնելու Մեր բազմամյա փորձերը հաջողությամբ չպսակվեցին, ինչպես նաև մերժվեցին Մեր բոլոր նախաձեռնությունները:

Ֆիզիկական ոլորտում դրա հաստատումը եղավ այն, որ Մեր Դեսպանորդի Աշրամը պղծվեց և բազմակիորեն հրի մատնվեց այն ամենը, ինչը երկար տարիների ընթացքում ստեղծված էր այդքա՜ն դժվարությամբ:

Նման պայմաններում Մենք չենք կարող շարունակել Մեր Առաքելությունը: Ես ձեզ ավելին կասեմ՝ մոտ ապագայում ոչ մի դեսպանորդ այլևս չենք առաքի Ռուսաստան, և Լույսի ոչ մի առաքելություն չենք իրականացնի Ռուսաստանում: Եվ դա միանգամայն արդար կլինի: Արդյո՞ք դուք կշարունակեիք կրկին ու կրկին բախել այն տան դուռը, որից ձեզ ամենակոպիտ ձևով ամեն անգամ հեռու են քշում...

Մենք երկար տարիների ընթացքում փորձում էինք բախել ռուսաստանցիների սրտերը: Բայց ստանում էինք միայն այնպիսի պտուղներ, որոնք վկայում էին Մեր մերժված լինելու մասին: Մեր բոլոր ջանքերն ապարդյուն էին անցնում:

Ինչպես արդեն գիտեք Մեր Ուղերձներից, Մեր Դեսպանորդի օգնությամբ Մենք փորձեցինք մարդկությանը տալ ամենալավ, ամենակատարյալ Ուսմունքը, որը տվյալ պահին մարդկությունն ունակ կլիներ ընկալել: Մանրազնին կերպով ընտրվել էին պատմական ժամկետներն ու ջանքերի գործադրման վայրը: Այս անգամ դա Ռուսաստանն էր: Մենք հույս ունեինք, որ այդ երկրի ժողովրդին բնորոշ հավատի և Բարձրագույն Օրենքին նվիրված լինելու հատկանիշների շնորհիվ Մեզ կհաջողվի ցույց տալ քաղաքակրթության զարգացման այլ ուղի՝ հիմնված ոչ թե հաճույքների ու սպառման պաշտամունքի վրա, այլ բարձրագույն հոգևոր արժեքների, հավատի ու սիրո վրա:

Մենք Մեր ուժերի ներածին չափ ամեն ինչ արեցինք, պաշտելինե՛րս: Եվ Մեր Դեսպանորդին ևս հանդիմանելու որևէ առիթ չունենք: Նա աննահանջ դիմակայեց բոլոր հարձակումներին ու ուխտադրուժ գործողություններին:

Սակայն մենք չենք կարող գործել ձեր ազատ կամքին հակառակ: Ռուսաստանի ժողովուրդների հավաքական գիտակցությունը  կատարեց իր ընտրությունը, և այդ ընտրությունը, ավաղ, կապված չէ այն աստվածային Ուղու հետ, որը մենք ուսուցանում ենք Երկրի մարդկությանը:

Ուստի Մենք հիմա հեռանում ենք: Մենք այլևս չենք փորձի կրկին ու կրկին բախել ամրապինդ  փակված ձեր սրտերի դռները:

Իսկ ի՞նչ կլինի դրանից հետո... Կսկսի գործել մեծ ու արդար օրենքը՝ Կարմայի Օրենքը:

Երբ մարդիկ ականջ չեն դնում Մեր խրատներին, մերժում ու հալածում են Մեր դեսպանորդներին, դրանով իսկ կարմա են կուտակում իրենց գլխին: Մենք բազմիցս ասել ենք, որ Մեր Դեսպանորդի դեմ գործելու կարման հավասարարժեք է Աստծո դեմ գործելու կարմային: Իսկ դա Երկրի վրա եղած կարմայի տեսակներից ծանրագույնն է:

Ահա և վրա է հասնում այդ կարմայի էջքի ժամանակը:

Կլինեն տառապանքներ, աղետներ, դժբախտություններ, պատերազմներ, կորուստներ, սով, հիվանդություններ...

Տառապանքները երբեմն մաքրում են մարդկանց հոգիները, և դա ժամանակի ընթացքում կարող է նոր հնարավորություն բացել:

Բայց հիմա Մենք հեռանում ենք և այլևս չենք բախի այն տան դուռը, որից Մեզ հեռու են քշում ու հալածում:

Կարմայի էջքի ժամանակն է հիմա: Սակայն Մենք երբեք դուռը չենք շրխկացնում ձեր առջև: Մենք միշտ Մեր դուռը մի փոքր կիսաբաց ենք պահում:

Դեռևս կա իրավիճակը փոխելու մի հնարավորություն: Եվ դա կապված է այն մարդկանց հետ, որոնք որոշակի հոգևոր նվաճումների են հասել: Ուսմունքը բոլորի համար լրիվ ձրի է, և ամեն ոք այն կարող է օգտագործել իր հայեցողությամբ: Սակայն ձեր մեջ կան հոգիներ, որոնք անցած մարմնավորումների ընթացքում արդեն հասել են որոշակի հոգևոր նվաճումների: Նրանք Ոգու ասպետներ են, Լույսի մարտիկներ...

Միայն դո՛ւք կարող են փոխել իրավիճակը: Ձեր գործելու հե՛րթն է հիմա...

Դուք պարտավոր եք պաշտպանե՛լ Մեր Դեսպանորդին: Նրա ուղղությամբ արձակված ստի ու կեղծիքի ցանկացած նետ պետք է բախվի ձեր Ճշմարտության վահանին:

Զրպարտության ամեն մի շոշափուկ պետք է հատվի ձեր Ճշմարտության սրով:

Հակադիր ուժերի ամեն մի խարդավանք ու հարձակում պետք է հետ մղեն Մեր դրոշների տակ համախմբված մարտիկները:

Դավաճանությունն ամենածանր մեղքերից մեկն է: Ձեր ընտրության ժամն է. անձնուրացաբար ամեն գնով կպաշտպանե՞ք արդյոք Աստծո Ճշմարտությունը, թե՞ կձևացնեք, թե դա ձեզ չի վերաբերում, և ձեր վախկոտությունն ու ծուլությունը կքողարկեք հանգամանքների նկատմամբ ունեցած ձեր սիրով ու հնազանդությամբ...

Կրկնում եմ ևս մեկ անգամ՝ հոգևոր Ուղու որոշակի փուլում դուք պետք է պաշտպանեք Ճշմարտությունը:

Եթե դուք դա չանեք, ապա ձեզ համար դա հավասարազոր կլինի դավաճանության: Ներկա ժամանակահատվածում՝ դա իրադարձությունների ընթացքը դեպի լավը փոխելու միակ հնարավորությունն է:

Աստված հայհոյանք չի ընդունում: Ուստի ավել բարձր պատիվ չկա, քան ձեր աշխարհում Բարձրագույն Օրենքը պաշտպանելն է:

Ընտրությունը ձերն է՝ անմահությո՞ւնը կընտրեք, թե՞ ձեր անցողիկ աշխարհը:

Մենք ավարտեցինք Մեր Առաքելությունը Ռուսաստանում: Եվ հիմա նրանց գործելու հերթն է, ովքեր մինչ այժմ լսում էին Մեր խոսքերը, կարդում Մեր Ուղերձները, բայց ոչինչ չէին ձեռնարկում:

Եկել է ժամանակը, որ ցույց տաք, թե ինչպես եք յուրացրել Մեր Ուսմունքը: Ձեր մեջ կա՞ն արդյոք Հավերժական Կյանքին արժանիներ:

Կատարեցե՛ք ձեր պարտքը...

Իսկ Ես ավարտում եմ իմ Ուղերձը:

ԵՍ ԵՄ Սանատ Կումարան: ՕՄ

Տատյանա Միկուշինա, 2018թ.

թարգմանեց Խ. Մանասելյանը