воскресенье, 4 ноября 2018 г.

ԱԹԵՆԱՍ ՊԱԼԼԱՍԻ ՓՈՔՐ ՎԱՐԴԱՐԱՆ - Ուսմունք արդարացի և անարդարացի պատերազմների մասին


Աթենաս Պալլասի փոքր
Վարդարան

Ուսմունք արդարացի և անարդարացի պատերազմների մասին
 
(համառոտ Վարդարան՝ Աթենաս Պալլասի 2015 թ-ի դեկտեմբերի 22-ի թելադրության հիման վրա)
 
Հանուն Հոր, Մոր, Որդու և Սուրբ Հոգու:
Ամեն
 
Հավատո Հանգանակ
Հավատում եմ Միասնական Աստծուն՝
Երկնքի ու Երկրի Արարչին,
որ ներկա է համայն Կյանքում:
Հավատում եմ Նրա Օրենքի արդարությանը,
և հնազանդորեն ենթարկվում եմ
Նրա Օրենքի Իմաստությանը:
Հավատում եմ Երկնքի Արքայությանը՝
ինչպես Երկրի վրա, այնպես էլ Երկնքում:
Հավատում եմ Աստծո Միասնությանը՝
Հոր, Մոր, Որդու և Սուրբ Հոգու:
Ամեն
 
Հայր մեր
Հայր մեր, որ Երկնքում ես,
սուրբ լինի Քո Անունը.
քո Թագավորությունը գա.
Քո Կամքը լինի Երկրի վրա, ինչպես որ Երկնքում է.
մեր ամենօրյա հացը տուր մեզ այսօր,
և ներիր մեր մեղքերը,
ինչպես որ մենք ենք ներում մեզ պարտք եղողներին.
և մի տանիր մեզ փորձության,
այլ փրկիր մեզ չարից,
քանզի Քոնն է արքայությունը
և զորությունը և փառքը հավիտենական.
Ամեն
 
Աստվածամայր
Ցնծա՛, Սուրբ Կույսդ Աստվածամայր,
Բարեշնորհ Մարիամ,
Տերը Քեզ հետ է.
օրհնյալ ես Դու կանանց մեջ,
և օրհնյալ է պտուղը որովայնիդ,
քանզի ծնեցիր մեր հոգիների Փրկչին:
 
Փառք Հորը և Որդուն և Սուրբ Հոգուն և Աստվածամորը,
այժմ և միշտ հավիտյանս: Ամեն

1. ԵՍ ԵՄ Աթենաս Պալլասը: Ես Կարմայական Վարչության անդամ եմ: Ինձ նաև գիտեն որպես Ճշմարտության Աստվածուհի: Վաղ անցյալում հատուկ իմ պատվին կառուցված տաճարներում մարդիկ պաշտում էին ինձ: Դա հինավուրց ժամանակներում էր, իմ սիրելի Հելլադայում: Իսկ հիմա ես կամենում եմ ձեզ հիշեցնել, որ ես նաև արդարացի պատերազմների հովանավորն եմ:

Աստվածամայր

2. Ձեր աշխարհում ամեն ինչ երկդիմի բնույթ ունի: Ուստի, որքան էլ ձեզ համար տարօրինակ թվա ինձնից սա լսելը, անարդարացի պատերազմներից զատ կան նաև պատերազմներ, որոնք արդարացի բնույթ ունեն: Հետևաբար նախքան այս կամ այն պատերազմին մասնակցելը հարկավոր է շատ լավ կշռադատել այն շարժառիթները, որոնցով առաջնորդվում եք դուք և այն մարդիկ, ովքեր իշխանության կրող են և որոշում են ընդունում պատերազմ սկսելու մասին:

Աստվածամայր

3. Նախ և առաջ դուք պետք է հասկանաք՝ այդ պատերազմով շահադիտական նպատակնե՞ր եք հետապնդում, թե՞ պաշտպանում եք ձեր հողը, ձեր տունն ու ընտանիքն արտաքին թշնամուց, որը ձեզ սպառնում է և հարվածներ հասցնում ձեր հայրենիքին: Շարժառիթը կարևոր է պատերազմի մասնակցող ամեն մի առանձին ռազմիկի համար: Եթե կռվին մասնակցելու գնացող մարդու շարժառիթը շահադիտական է, ապա պատերազմին մասնակցելը նրա համար հավասարազոր է ոչ ճիշտ գործողության կարմայի կուտակման: Շահադիտական շարժառիթ կարող են ծառայել փողը, իշխանությունը, կոչումը կամ պաշտոնը, ինչպես նաև ռազմավարը:

Աստվածամայր

4. Կարմայի օրենքը համայն Տիեզերքի բարդագույն օրենքներից մեկն է: Այդ պատճառով եկեք պարզենք, թե անարդարացի պատերազմին մասնակցելն ինչպես է անդրադառնում մասնակից երկրի և դրա մարդկանց վրա: Իհարկե, ցանկացած պատերազմի ընթացքում բռնություն է կիրառվում, և մարդիկ են զոհվում: Ուստի կարևոր է հասկանալ, թե ինչ կարմա է ձեռք բերում անարդարացի պատերազմ վարող երկիրը:

Աստվածամայր

5. Անարդարացի պատերազմի ամեն մի մասնակից կարմայի իր բաժինն է ունենում: Բայց ամեն մի այդպիսի պատերազմի մասնակից նաև մայր ու հարազատներ ունի: Նրա ամբողջ ընտանիքը և նույնիսկ հեռավոր հարազատներն իրենց վրա են վերցնում անարդարացի պատերազմին մասնակցողի կատարած սպանությունների ու ավերածությունների կարման: Արդյունքում թուլանում է նրա ընտանիքն ու ամբողջ տոհմը, ինչը կարող է տոհմի ֆիզիկական ու մտավոր այլասերման պատճառ դառնալ:

Աստվածամայր

6. Այդպիսով, անարդարացի պատերազմի կարման ազդում է նույնիսկ այն մարդկանց վրա, ովքեր հեռու են զինված հակամարտությանն անմիջականորեն մասնակցելուց: Բացի այդ, կա նաև անարդարացի պատերազմին մասնակցող ամբողջ երկրի կարման: Այն ընկնում է տվյալ երկրի ամբողջ բնակչության ուսերին և բախշվում հասարակության բոլոր անդամների միջև: Ոպես կանոն, դա հանգեցնում է տվյալ երկրին հատկացվող Աստծո էներգիայի հոսքի դադարեցմանը: Աստծո էներգիայի անբավարար լինելը դրսևորվում է որպես առատության պակաս, սով, տվյալ երկրի բնակչության մի զգալի մասի հոգեկան խանգարումներ՝ շիզոֆրենիա, դիվահարություն, ընկճվածություն, ինքնասպանության  հակում, ագրեսիա:

Աստվածամայր

7. Իհարկե, անարդարացի պատերազմի կարմայի մեծ մասն ընկնում է այն մարդկանց ուսերին, որոնք նման պատերազմ սկսելու որոշում են կայացնում: Սակայն, ինչպես վերն ասացի, կարմայական բեռից բաժին է հասնում նաև այդ երկրում ապրող ամեն մի բնակչի: Քանզի ոչ մի պատերազմ չի կարող կայանալ, եթե չլինեն այն մարդիկ, որոնք համաձայնվում են մասնակցել նման պատերազմի՝ հանուն անձնական շահի, թալանի կամ էլ հանուն կենդանի թիրախների վրա իրենց սպանելու հմտությունները կատարելագործելու:

Աստվածամայր

8. Առողջ հասարակությունը երբեք թույլ չի տա, որ իրեն ներգրավեն անարդարացի պատերազմի մեջ, քանի որ շատ լավ գիտակցում է, որ այդպիսի պատերազմին մասնակցելը պատասխանատվություն է դնում իր հետագա սերունդների ուսերին:

Աստվածամայր

9. Իսկ հիմա խոսենք արդարացի պատերազմի մասին: Եթե ռազմիկը մարտի է գնում իր երկիրը, հողը և ընտանիքը պաշտպանելու նպատակով և չունի շահադիտական մղումներ, եթե անշահախնդրորեն պատրաստ է իր կյանքը զոհել հանուն իր երկրի բարեկեցության, ապա այդ գործողությունն արդար է համարվում, և անգամ նրա զոհվելը ոչ թե թուլացնում է նրա ընտանիքն ու տոհմը, այլ, ընդհակառակը, հարստացնում է նոր էներգիայով:

Աստվածամայր

10. Հանուն մերձավորների ինքնազոհաբերման գնալը կարող է բռնություն չդիտվել այն դեպքում, եթե մեկը պատրաստ է կենդանի վահանի դեր կատարել հարձակվողի ու իր մերձավորների միջև: Ինքնազոհաբերության այդ բարձրագույն գործողությունը բարի կարմա է ստեղծում ամբողջ տոհմի և երկրի համար: Իմ այսօրվա Ուղերձի նպատակն էր բացատրություններ տալ արդարացի և անարդարացի պատերազմների մասին: Ես կարծում եմ, որ աշխարհում ներկայումս հաստատված պայմաններում իմ այս Ուսմունքն օգտակար կլինի ձեզ համար, և դուք կկարողանաք այն կիրառել ձեր կյանքում: ԵՍ ԵՄ Աթենաս Պալլասը:

Աստվածամայր

Փառք Հորը և Որդուն և Սուրբ Հոգուն և Աստվածամորը,
այժմ և միշտ հավիտյանս: Ամեն

суббота, 13 октября 2018 г.

ՍԵՐԱՊԻՍ ԲԵՅ - «Ուսմունք սեռական էներգիան ճիշտ ծախսելու մասին»


Սերապիս Բեյի փոքր 
Վարդարան 2

Ուսմունք սեռական էներգիան ճիշտ ծախսելու մասին
(համառոտ Վարդարան՝ Սերապիս Բեյի 2009 թ-ի դեկտեմբերի 15-ի թելադրության հիման վրա)
 
Հանուն Հոր, Մոր, Որդու և Սուրբ Հոգու:
Ամեն
Հավատո Հանգանակ
Հավատում եմ Միասնական Աստծուն՝
Երկնքի ու Երկրի Արարչին,
որ ներկա է համայն Կյանքում:
Հավատում եմ Նրա Օրենքի արդարությանը,
և հնազանդորեն ենթարկվում եմ
Նրա Օրենքի Իմաստությանը:
Հավատում եմ Երկնքի Արքայությանը՝
ինչպես Երկրի վրա, այնպես էլ Երկնքում:
Հավատում եմ Աստծո Միասնությանը՝
Հոր, Մոր, Որդու և Սուրբ Հոգու:
Ամեն
Հայր մեր
Հայր մեր, որ Երկնքում ես,
սուրբ լինի Քո Անունը.
քո Թագավորությունը գա.
Քո Կամքը լինի Երկրի վրա, ինչպես որ Երկնքում է.
մեր ամենօրյա հացը տուր մեզ այսօր,
և ներիր մեր մեղքերը,
ինչպես որ մենք ենք ներում մեզ պարտք եղողներին.
և մի տանիր մեզ փորձության,
այլ փրկիր մեզ չարից,
քանզի Քոնն է արքայությունը
և զորությունը և փառքը հավիտենական.
Ամեն
Աստվածամայր
Ցնծա՛, Սուրբ Կույսդ Աստվածամայր,
Բարեշնորհ Մարիամ,
Տերը Քեզ հետ է.
օրհնյալ ես Դու կանանց մեջ,
և օրհնյալ է պտուղը որովայնիդ,
քանզի ծնեցիր մեր հոգիների Փրկչին:
Փառք Հորը և Որդուն և Սուրբ Հոգուն և Աստվածամորը,
այժմ և միշտ հավիտյանս: Ամեն


1. ԵՍ ԵՄ Սերապիս Բեյը: Դուք ճանաչում եք ինձ. ես հաճախ եմ գալիս այս դեսպանորդի միջոցով: Հավանաբար նաև գիտեք, որ ես սպասավորում եմ ամենացածր չակրայի՝ մուլադհարայի, ճառագայթով: Այդ չակրայում ննջում է ձեր Կունդալինիի էներգիան: Դեպի Լույս ձեր համբարձման պահին կուրացուցիչ ճերմակ լույս է ճառագում այդ չակրայից, և Աստծո էներգիան բառացիորեն ձեզ պոկում է ֆիզիկական ոլորտից և վեր հանում դեպի ավելի բարձր օկտավաներ: Ուստի ես այն Վեհապետն եմ, որն աշակերտներին ճիշտ վերաբերմունք է ուսուցանում Աստվածամոր էներգիայի նկատմամբ:

Աստվածամայր

2. Ես տեղյակ եմ, որ վերջին հարյուր և ավելի տարիների ընթացքում մարդկությունը բարոյապես խիստ անկում է ապրել: Այդ անկումն արտահայտվում է նաև սեռական էներգիայի նկատմամբ վերաբերմունքով: Այսօր պետք է մի Ուսմունք տամ, որը շատ շատերին կստիպի այլ կերպ նայել իրենց սեռական մղումներին: Եվ իմ այս խրատատվության նպատակն այն կլինի, որ ինձ լսելու ունակ հոգիներին հետ պահեմ է՛լ ավելի մեծ անկումից և սեռական էներգիայի չարաշահումից: Ի՞նչ նոր խոսք ու խրատ կարող եմ հաղորդել ձեզ, որ հայտնի եղած չլինի մարդկությանը դեռևս բազմաթիվ հարյուրամյակներ և հազարամյակներ առաջ: Ձեր մշակույթը լռության է մատնում շատ բաներ, որոնք այնքա՜ն բնական են և շատ հազարամյակների ընթացքում փոխանցվել են սերնդեսերունդ: Խոսքս վերաբերում է սեռական էներգիան ճիշտ ծախսելու մասին Ուսմունքին:

Աստվածամայր

3. Հատկապես այն բանով, թե ինչ վերաբերմունք ունեք ձեր այդ գաղտնի ուժի նկատմամբ, որոշվում է ձեր հետագա էվոլյուցիոն ուղին: Այն դեպքում, երբ կարողանում եք խելամտորեն օգտագործել ձեր սեռական էներգիան, դուք հաղթահարում եք ձեր կենդանական մասը և մոտենում Աստվածամարդուն: Իմ զրույցի նյութը շատերիդ կցնցի, քանի որ անցյալի ձեր գործելակերպն անխոցելի չի եղել: Ամեն անգամ, երբ չմտածված ու չարդարացված ձևով վատնում եք ձեր աստվածային կարողությունը, դուք կարմա եք ստեղծում: Ձեր ստեղծագործական կարողությունը, ստեղծագործական ունակություններն ու առողջությունն ուղղակիորեն կապված են այն բանի հետ, թե ինչպես եք կարողանում կառավարել ձեր սեռական էներգիան: Հասարակությունն այդ թեմայի շուրջ մանրամասն բացատրություններ չի տալիս ո՛չ դպրոցական դաստիարակության, ո՛չ էլ ապագա ծնողներ դաստիարակելու ընթացքում: Սակայն այս կարևոր թեման պետք է զբաղեցնի ձեր միտքը նաև այնժամ, երբ մտահոգվում եք, թե որքանով է հավանական, որ հետագայում կկարողանաք ճիշտ կերպով տնօրինել ձեր սեռական էներգիան:

Աստվածամայր

4. Սեռական էներգիան ուղղակիորեն կապված է ձեր ստեղծագործական կարողության հետ՝ մարդկային գործունեության ցանկացած բնագավառում որևէ բան արարելու ձեր ունակության հետ: Նաև ձեր սեռական էներգիան որպես վառելիք է օգտագործվում համբարձման ժամանակ: Այստեղից հետևում է, որ պետք է խնայողական, հատուկ խնայողական վերաբերմունք դրսևորել էներգիայի այդ տեսակի նկատմամբ: Դուք կարող եք առարկել ինձ, թե Աստված է էներգիա տալիս, հետևաբար այդ էներգիայի աղբյուրն անսահմանափակ է: Դա իրոք այդպես է, բայց պայմանով, որ արդեն օժտված լինեք այդ էներգիայի նկատմամբ ճիշտ վերաբերմունքով:

Աստվածամայր

5. Ի՞նչ եք կարծում, ինչու՞ նյութականացումը, տելեպորտացիան և դրանց պես շատ հրաշքներ հնարավոր չեն ձեր ժամանակներում: Պատճառներից մեկն այն է, որ Աստծո էներգիայի հոսքը դեպի ձեր մարմիններ առավելագույն չափով փակված է: Աստծո էներգիան մատչելի չէ ձեզ նույնիսկ այն չափով, որը հնարավոր էր դեռևս մի քանի հազարամյակ առաջ: Եվ այն բանին զուգընթաց, որ մարդկությունն ավելի ու ավելի է թաղվում տգիտության մեջ, Աստծո էներգիայի հոսքն ավելի շատ է արգելափակվում:

Աստվածամայր

6. Ձեզ տգիտություն է թվում այն, երբ չեք կարողանում օգտվել հեռուստացույցից, համակարգչից կամ բջջային հեռախոսից: Ո՛չ, տգիտություն է այն, երբ չեք հետևում համայն տիեզերքում գործող Աստծո Օրենքին: Եվ այդ Օրենքի կետերից մեկը հենց այն մասին է, որ անհրաժեշտ է խնայողաբար ծախսել սեռական էներգիան: Յուրաքանչյուր մարդ օժտված է որոշակի կարողությամբ, որը կարող է սպառվել ժամանակից շուտ: Իսկ այդ դեպքում ոչ միայն չեք կարողանա ի կատար ածել ձեր աստվածային պլանն ու աստվածային առաքելությունը, այլև կվերածվեք դատարկության՝ մարդու, որի ներսում ներկա չէ Աստված: Ձեր աչքերը կխամրեն, և ձեր երկրային կյանքի ընթացքում արդեն կվերածվեք կենդանի դիակի:

Աստվածամայր

7. Սեռական մշակույթը հասարակության ընդհանուր մշակույթի մաս պետք է կազմի: Այն, ինչ հիմա մենք տեսնում ենք, նման է հասարակության բարոյական անկման այն փուլին, որը եղել է Սոդոմի ու Գոմորի ժամանակներում: Հավանաբար լսել եք, թե ինչ կատարվեց այդ քաղաքների հետ: Մարդիկ կանգնած են էվոլյուցիոն զարգացման տարբեր աստիճանների վրա: Եվ շատ փոքր տոկոս են կազմում այն մարդիկ, որոնք ծննդյան օրից օժտված են Աստծո էներգիայի նկատմամբ ճիշտ վերաբերմունքով: Դրանք Սանատ Կումարայի մաքրակյացներն են: Ըստ էության, այդ մարդիկ շատ մեծ հոգիների լիակատար կամ մասնակի մարմնացումներ են:

Աստվածամայր

8. Կան նաև մարդիկ, որոնք ունակ են վերահսկելու իրենց սեռական էներգիան և այն պահելու որոշակի շրջանակներում: Բայց դրա համար նրանք պետք է իրազեկված լինեն այն մասին, թե ինչ հետևանքների կարող է հանգեցնել սեռական էներգիայի ավելորդ վատնումը: Հասարակության մեջ առկա վարվելակերպի կարծրատիպերն ու զանգվածային մշակույթը չեն նպաստում, որ այդ ասպարեզում ճիշտ վարվելակերպեր ձևավորվեն: Ուստի ծագում է գայթակղությունների նկատմամբ ներքին գիտակցված հակադրություն ձևավորելու անհրաժեշտություն: Եվ ոչ մի դեպքում չպետք է այդ թանկարժեք էներգիան ծախսել հաճույքներ ստանալու համար: Իդեալական կլիներ, եթե այդ էներգիան ծախսվեր միայն սերունդ տալու վրա:

Աստվածամայր

9. Ես խոսեցի երկու տեսակի մարդկանց մասին, որոնք ունակ են լրիվ կամ մասնակի վերահսկելու իրենց սեռական էներգիան: Մնացած մարդիկ, ցավոք սրտի, այդ հարցում անհամեմատ ցած են իջել կենդանիներից, քանզի այն, ինչ թույլ է տրվում տեղեկատվության զանգվածային միջոցներում ու համացանցում, այլ խոսքերով չես կոչի, քան բարոյական նորմերի լիակատար անկում: Ամենալուսավոր էներգիան, որը ձեզ նման է դարձնում Աստծուն, մարդկանց ուղեղներում կապվել է այլասերվածության և էլի ինչ-որ անմաքուր բանի հետ:

Աստվածամայր

10. Ձեր ուղեղներում պետք է կարգուկանոն հաստատվի: Այդ հարցում դուք պետք է Աստվածայինը ջոկեք սատանայականից: Հատիկը որոմից ջոկելն առաջին հերթին այդ հարցում պետք է լինի, քանի որ ձեր աշխարհում Աստծո էներգիայի ամենամեծ աղավաղումները հատկապես կապված են հնարավոր ամեն տեսակ սեռական աղավաղումների հետ: Ես ուրախ եմ, որ ինձ հաջողվեց զրույց վարել այս կարևոր թեմայով: Եվ է՛լ ավելի ուրախ կլինեմ, եթե այս ուղերձն ընթերցած մարդկանց մեջ գտնվեն բավարար քանակի անհատներ, որոնք, դրսևորելով վճռականություն ու համառություն, իրենց մեջ ուժ գտնեն, որպեսզի սանձեն ցանկություններն ու վեր հանեն իրենց Կունդալինիի էներգիան՝ որպես Աստծո Կամքին հավատարիմ լինելու նշան: ԵՍ ԵՄ Սերապիս Բեյը:

Աստվածամայր

Փառք Հորը և Որդուն և Սուրբ Հոգուն և Աստվածամորը,
այժմ և միշտ հավիտյանս: Ամեն

среда, 3 октября 2018 г.

ԱԺ ԼՈՒԾԱՐՄԱՆ ԵՐԵՔ ՏԱՐԲԵՐԱԿ

Քանի որ ակնհայտ է, որ նախահեղափոխական ԱԺ պատգամավորները ցանկություն չունեն ինքնալուծարման որոշում ընդունել և հրաժարվել մինչև 2022 թ. իրենց հատկացվելիք անաշխատ եկամուտներից, ապա այսօրվա դրությամբ ժողովուրդն ինքը պետք է ընտրի այդ ապօրինի ընտրված կառույցը լուծարելու երեք տարբերակներից որևէ մեկը: Նախապես ասեմ, որ անձամբ ես վստահ եմ, որ երեք տարբերակներն էլ ի վերջո հաջողությամբ են պսակվելու, և մոտավորապես երկու ամիս հետո կայանալու է նոր ԱԺ-ի ընտրությունը:
Առաջին տարբերակը, որին երեկ ընթացք տվեց ՀՀ վարչապետ Նիկոլ Փաշինյանը, մերժված Սերժի ապօրինի սահմանադրության սցենարով թատերական ներկայացում բեմադրելն է: Դրա գլխավոր դերակատարներն են՝ հենց ինքը՝ Նիկոլ Փաշինյանը, որը որոշել է ժողովրդի կամքին հակառակ գնալ և ինքնակամ հրաժարական տալ. ԱԺ պատգամավորական մեծամասնությունը, որը պետք է ձևացնի, թե կամուկացի մեջ է՝ նոր վարչապետի թեկնածություն առաջադրել, թե ոչ. ԱԺ նիստերի օրերին հանրահավաքների ելած ժողովուրդը, որը պետք է հավաքվի ոչ միայն ԱԺ մերձակա այգում, այլ նաև մարզկենտրոնների ու գյուղերի հրապարակներում և հեռվից մատ թափ տա ԱԺ պատգամավորների վրա, որ հանկարծ սխալ որոշում չկայացնեն: Նաև հանրահավաքների մասնակիցները պետք է խստորեն առաջնորդվեն Նիկոլ Փաշինյանի երեկվա խնդրանք-հրահանգով, այն է՝ երբևէ դուրս չգալ սիրո և հանդուրժողականության սահմանված շրջանականերից և այդ «մատ թափ տալու» հեռահար գործը մշտապես ի կատար ածել ժպտերես խանդավառությամբ պարուրված:
Երկրորդ տարբերակն առաջարկում է նորաստեղծ «Սասնա ծռեր» կուսակցությունը, այն է՝ առաջնորդվել Նիկոլ Փաշինյանի նախաձեռնած թավշյա հեղափոխության տրամաբանությամբ և մերժել ոչ միայն Սերժին, այլ նաև նրա մոգոնած սահմանադրությունը, նյուրնբերգյան ոճով Հայաստանը բառիս բուն իմաստով մաքրել հակահեղափոխական տարրերից ու մնացուկներից և ուղիղ ժողովրդավարությամբ անհապաղ ձեռնամուխ լինել նոր ԱԺ-ի ընտրության գործին:
Երրորդ տարբերակն առաջարկում են մի շարք քաղաքական գործիչներ և մտավորականներ, ինչպես նաև «Երկիր Ծիրանի» կուսակցության առաջնորդ Զարուհի Փոստանջյանը: Բացահայտված առարկայական փաստերի հիման վրա քաղաքական գնահատական տալ և դատական գործ հարուցել ՀՀԿ-ի դեմ և գործող սահմանադրության պահանջով արգելել այդ կուսակցության հետագա գործունեությունը Հայաստանի տարածքում: Դրան ինքնաբերաբար կհետևի այն, որ ԱԺ հհկ-ական պատգամավորները ստիպված կլինեն հրաժարվել ոչ միայն իրենց կուսակցական տոմսերից, այլ նաև պատգամավորական մանդատներից: Իսկ դրա արդյունքում ԱԺ-ը կզրկվի խորհրդարանական մեծամասնությունից, և նոր ԱԺ կազմավորելը կդառնա առարկայական պահանջ ու հրատապ անհրաժեշտություն:
Իհարկե, կա նաև հանրաքվեի միջոցով ԱԺ-ը լուծարելու տարբերակը, որն առաջարկում է քաղաքագետ Արա Պապյանը, սակայն, ըստ իս, դա շատ ծախսատար և շատ ժամանակ ու ջանքեր պահանջող տարբերակ է՝ ոչ ակնհայտ ելքով: Թերևս այս տարբերակը նույնպես դրական ելք կունենար, եթե մինչ այդ ՀՀԿ նենգադավ ու մութ գործունեությունն արդեն արգելված լիներ ՀՀ տարածքում:
Ամփոփելով ասենք, որ ամենայն հավանականությամբ մեր ժողովուրդը նոր տարին կդիմավորի նոր ԱԺ ունենալով և կտոնի ևս մեկ կարևոր հաղթանակ:
Խաչիկ-Ապեր
03.10.2018թ.

вторник, 25 сентября 2018 г.

ՍԵՐԱՊԻՍ ԲԵՅ - «Ձեր խնդիրն է՝ սովորել հաղթանակել նուրբ ոլորտում»


Սերապիս Բեյի համառոտ
Վարդարան

Ձեր խնդիրն է՝ սովորել հաղթանակել նուրբ ոլորտում
 
(համառոտ Վարդարան՝ Սերապիս Բեյի 2009 թ-ի հունիսի 23-ի թելադրության հիման վրա)
 
Հանուն Հոր, Մոր, Որդու և Սուրբ Հոգու:
Ամեն
 
Հավատո Հանգանակ
Հավատում եմ Միասնական Աստծուն՝
Երկնքի ու Երկրի Արարչին,
որ ներկա է համայն Կյանքում:
Հավատում եմ Նրա Օրենքի արդարությանը,
և հնազանդորեն ենթարկվում եմ
Նրա Օրենքի Իմաստությանը:
Հավատում եմ Երկնքի Արքայությանը՝
ինչպես Երկրի վրա, այնպես էլ Երկնքում:
Հավատում եմ Աստծո Միասնությանը՝
Հոր, Մոր, Որդու և Սուրբ Հոգու:
Ամեն
 
Հայր մեր
Հայր մեր, որ Երկնքում ես,
սուրբ լինի Քո Անունը.
քո Թագավորությունը գա.
Քո Կամքը լինի Երկրի վրա, ինչպես որ Երկնքում է.
մեր ամենօրյա հացը տուր մեզ այսօր,
և ներիր մեր մեղքերը,
ինչպես որ մենք ենք ներում մեզ պարտք եղողներին.
և մի տանիր մեզ փորձության,
այլ փրկիր մեզ չարից,
քանզի Քոնն է արքայությունը
և զորությունը և փառքը հավիտենական.
Ամեն
 
Աստվածամայր
Ցնծա՛, Սուրբ Կույսդ Աստվածամայր,
Բարեշնորհ Մարիամ,
Տերը Քեզ հետ է.
օրհնյալ ես Դու կանանց մեջ,
և օրհնյալ է պտուղը որովայնիդ,
քանզի ծնեցիր մեր հոգիների Փրկչին:
 
Փառք Հորը և Որդուն և Սուրբ Հոգուն և Աստվածամորը,
այժմ և միշտ հավիտյանս: Ամեն

1. ԵՍ ԵՄ Սերապիս Բեյը: Այս օրով ես եմ եկել... Օրեցօր ավելի դժվար է դառնում ձեր սրտերի դուռը բախելը: Մարդկությունն անշեղորեն շարժվում է դեպի անդունդ: Այնուամենայնիվ մենք մեր հույսը չենք կորցնում: Քանզի հատկապես այնժամ, երբ թվում է, թե վիճակն անելանելի է, և ոչ մի ելք չկա ստեղծված իրավիճակից դուրս գալու համար, հենց այդ պահին տեղի է ունենում մի բան, որը կարելի է Աստծո հրաշք կոչել, և իրադրությունը կտրուկ փոխվում է:

Աստվածամայր

2. Մարդկության պատմության մեջ որքա՜ն հաճախ են եղել պահեր, երբ թվացել է, թե առջևում միայն անթափանց խավար է տիրում: Սակայն ամենավերջին պահին՝ բառացիորեն կործանման եզրին, գտնվել են անձնազոհ հոգիներ, որոնք իրենց վրա են վերցրել մարդկության համար պատասխանատվությունը՝ հանուն երկրային էվոլյուցիայի հետագա ընթացքի:

Աստվածամայր

3. Ես գիտեմ, որ իմ այս ուղերձը կարդացողների մեջ շատ կան լուսավոր հոգիներ: Դուք բազմաթիվ անգամ մարմնավորվել եք Երկրի պատմության ամենաճակատագրական պահերին: Եվ հիմա կրկին ձեզնից պահանջվում է ձեր բոլոր ուժերի ու հնարավորությունների լարումը: Բավական է միայն, որ ոգի առնեք և ձեր հայացքը հառեք ձեզ շրջապատող պատրանքից ավելի վեր:

Աստվածամայր

4. Մի պահ պատկերացրեք, թե վատ երազ եք տեսնում: Գիշերը կանցնի, արևը նորից կշողա, և ցերեկվա լույսի տակ ձեր բոլոր գիշերային ահերն ու սարսափները կթվան անիրական: Դուք այժմ քնի մեջ եք: Դուք խորասուզված եք պատրանքի քնի մեջ: Այժմ հասել է այն ժամանակը, երբ պետք է ի մի բերեք ձեր բոլոր ուժերն ու ունակությունները և քայլ անեք դեպի առաջ: Դուք ասպետներ եք: Մարտիկներ: Եվ այժմ ձեր ջանքերից շատ բան է կախված: Միայն թե հարկ չկա, որ սուր վերցնեք և զրահ հագնեք ֆիզիկական ոլորտում: Դուք պետք է զրահավորվեք ձեր ոգու զրահով: Եվ պետք է վեր հանեք ձեր ոգու սուրը՝ ձեր Կունդալինին: Միայն դրանո՛վ դուք կարող եք ձեր ներսում և ձեզ շրջապատող իրականության մեջ իրականը բաժանել անիրականից:

Աստվածամայր

5. Դուք մարտիկներ եք, բայց ձեր խնդիրն այն չէ, որ անվերջանալի ճակատամարտ մղեք ֆիզիկական ոլորտում: Ձեր խնդիրն է, որ սովորեք հաղթանակ տանել նուրբ ոլորտում, ձեր հույզերի ու մտքերի ոլորտում: Հատկապես այնժամ, երբ հաղթանակ կտանեք ձեր մտքերի զգացմունքների ու բացասական վիճակների նկատմամբ, հաղթանակ կտանեք նաև լինելիության ֆիզիկական ոլորտում: Քանզի նուրբ ոլորտների ձեր նվաճումներն անխուսափելիորեն կձևափոխեն ֆիզիկական ոլորտը:

Աստվածամայր

6. Հարկ չկա, որ մարտիկների շարքեր փնտրեք, որպեսզի միանաք նրանց: Քանզի նուրբ ոլորտում դուք ներկայանում եք որպես Լույսի հզոր զորք: Եվ դուք անպարտելի ու անխոցելի կլինեք, քանի դեռ ձեր գիտակցությունը պահպանում եք աստվածային մակարդակի վրա: Այն ամենը, ինչ ձեզնից պահանջվում է, իրական աստվածային գիտակցություն կրելը և չկորցնելը գիտակցության այդ մակարդակը ողջ օրվա ընթացքում և ամեն օր:

Աստվածամայր

7. Պատկերացրեք այնպես, որ ֆիզիկական ոլորտում դուք հանդես եք գալիս որպես ընդօրինակման կատարյալ նմուշ: Աննկարագրելի ջանքերի գնով և ներքին աշխատանքով դուք պահպանում եք ձեր գիտակցությունը հնարավորինս բարձր մակարդակի վրա: Իսկ դա անելը բավականին դժվար է՝ գտնվելով անկատար միջավայրում: Բայց այն դեպքում, երբ ձեզ հաջողվում է պահպանել գիտակցության առավելագույն մակարդակը, ձեր թրթիռներն այնքան են բարձրանում, որ ամեն մի անկատարություն, որին բախվում եք ձեր աշխարհում, ստիպված է լինում ցույց տալ իր դեմքը:

Աստվածամայր

8. Դուք մեր մարտիկներն եք և նմանվում եք ջահերի, որոնցով մեզ համար լուսավորվում է պատրանքի անկատարությունը: Աստծո ողջ ուզածն այն է, որ ձեր աշխարհում հնարավորինս արագ տեղի ունենա որոմը հատիկից ջոկելու գործընթացը: Հատկապես այնժամ, երբ կհավաքվի բարի հատիկների բերքը, իսկ մոլախոտերը կհանձնվեն կրակին, ձեր աշխարհի համար կգա այն ժամանակը, երբ Համբարձյալ Վեհապետները կկարողանան մուտք գործել ձեր աշխարհ: Ուստի մի՛ հուսահատվեք և մի՛ ասեք, թե ամեն ինչ վատ է: Ամեն ինչ ճշգրտորեն ընթանում է համաձայն Աստծո պլանի: Եվ ձեզնից ամեն ոք, ով հանձն կառնի իր վրա կրել Լույսի բեռը, կստանա հրեշտակային զորախմբերի պաշտպանությունը:

Աստվածամայր

9. Դուք սարսափով եք նայում ձեր շրջապատին, և դրությունը ձեզ թվում է անելանելի: Մի՛ տրտմեք այն ամենի համար, ինչն այլևս ենթակա չէ հետագա էվոլյուցիայի: Ձեր ոտքերով ամուր կանգնեք հողին և հղե՛ք ձեր կոչերը դեպի Երկինք: Այս բարդ ժամանակներում ձեր դերն ու առաքելությունն այն է, որ դիմանաք ճակատամարտի լարվածությանը և մնաք մարտադաշտում: Միայն թե մարտն ընթանում է նուրբ ոլորտում՝ աստեղային այն թանձրացած շերտերում, որոնք առավելագույնս մոտ են ֆիզիկական ոլորտին: Այդ պատճառով ճակատամարտը զգալի է ձեզ համար: Դուք պառկում եք քնելու և արթնանում այն զգացողությամբ, որ ողջ գիշեր եղել եք ծանր մարտի մեջ: Եվ հենց այդպես էլ կա: Լույսի լավագույն մարտիկները դադար չունեն ո՛չ ցերեկը, ո՛չ էլ գիշերը: Քանզի չի կարելի կորցնել թանկարժեք ժամանակը, որովհետև ժամանակ շատ քիչ է մնացել: Փոխարենը հետագայում դուք կհիշեք ձեր սխրանքների մասին:

Աստվածամայր

10. Անմոռանալի ժամանակներ են ձեր ապրած ժամանակները: Եվ, որքան էլ ձեզ համար դժվար լինի, պետք է գիտակցեք, որ անհրաժեշտ է դիմանալ ու մնալ շարքերում: Վհատվել չի՛ կարելի: Սիրե՛ք լարվածությունն ու մարտը... Ասված է, որ միայն ամենա-ամենաներն ու նվիրվածները կկարողանան շարունակել էվոլյուցիան: Ես ուրախ եղա ձեզ այսօրվա իմ խրատները տալուս առիթով... ԵՍ ԵՄ Սերապիս Բեյը:

Աստվածամայր

Փառք Հորը և Որդուն և Սուրբ Հոգուն և Աստվածամորը,
այժմ և միշտ հավիտյանս: Ամեն