ՊԱՀՄՏՈՑԻ ՋԵՐՄՈՒԿՑԻՆԵՐԻ ՀԵՏ
Վարչապետ Փաշինյանը փաստորեն այսօր հասել է Ջերմուկ ոչ թե Ամուլսարի հարցով, այլ պարզապես ուզում է ջերմուկցիների հետ մի քիչ պահմտոցի խաղալ:
Էս պահին «Ջերմուկ» հյուրանոցում է պախկվել և ինչ հարց ասես քննարկում է, բացի Ամուլսարի հարցից: Բազմաթիվ «սելֆիներ»՝ մեծ ու փոքր, էգ ու արու խելապակասների հետ: Անհայտ է, թե նրանք ե՞րբ, ինչպե՞ս և ու՞մ շնորհիվ են հայտնվել այդ նորաբաց հյուրանոցում: Բայց եկեք շարունակենք հետևել և տեսնել, թե մեր վարչապետի հաջորդ պախկվելու տեղը ո՞րն է լինելու և ի՞նչ հարցեր է քննարկելու:
Էս պահին պախկվեց կառավարական մեքենայում ու հաստատ ոչ մեկի հետ ոչ մի հարց չի քննարկում:
Էս պահին «Տաքսիների հրապարակում» պահմտոցին կարճ ժամանակով ընդհատվեց: Հիմա վարչապետը մի խումբ ջերմուկցիների առջև (մնացածներին պահմտոցու ճարպիկ հնարքով հասցրել է ցրիվ տալ քաղաքով մեկ) անցել է իր քաղտեխնոլոգիական հնարքներին ու խաբեբայական զինանոցին: Ահա ևս մի «սելֆի»՝ մի ցնդած ջերմուկցու հետ, որի հեչ վեջը չի՝ կողքի սարում երբևէ հանք կբացվի՞, թե ոչ: Նրա ուշքն ու միտքը՝ իր նման խելապակասներին հետո զարմացնելն ու Նիկոլի կողքին նկարված լինելով պարծենալն է:
Հիմա էլի պահմտոցին վերսկսվեց: 5 հոգու հետ վարչապետը գնում է «մի հայաթում սուրճ խմելու»: Իսկ բորբոքված ու դժգոհ ջերմուկցիներին հանգստացրեց նրանով, որ ինքը որոշել է «սքայփ կոնֆերանս» անել «էլարդի» հետ և պարզել, թե նրանց ուզածը, արածն ու ասածն ի՞նչ է վերջապես... Ճիշտ է, կոնֆերանսն անգլերեն է լինելու, բայց դե ինքը խոստանում է բոլոր խոսակցությունները հայերեն թարգմանել՝ հատուկ ջերմուկցիների թանկագին խաթեր համար...
Վե՛րջ, էլ ինձ հետաքրիր չի, էլ չեմ նայի մնացած բաները: Ոչ միայն հետաքրքիր չի, այլև սիրտս սկսեց խառնել ջերմուկցիների նկատմամբ վարչապետ Փաշինյանի ճարպիկ ու ցինիկ,անլուրջ ու թեթևաբարո վերաբերմունքից...
Խաչիկ-Ապեր
23.08.2019թ.
Комментариев нет:
Отправить комментарий