Շուրջօրյա պտտվող արևային տոնածառ

20 պտ/րոպե պտույտի արագության դեպքում տոնածառի արևային շարժիչի ծախսը կազմում է 0,008W (8mW):

Տոնածառի բարձրությունը՝ 80սմ, քաշը՝ 800 գ (տեսանյութը՝ ստորև):

http://www.youtube.com/watch?v=DHqUwSNmHDg&feature=youtu.be

Գեորգի Գյուրջիևի երկրորդ գիրքը հայերեն

"Նահապետ" հրատարակչությունը պետ.պատվերի շրջանակներում լույս է ընծայել Գ. Գյուրջիևի "Ամենն ամենայնիվ" գրքաշարի Բ գիրքը (թարգմանություն ռուսերենից անգլերենի համեմատությամբ, թարգմանիչ` Խ Մանասելյան):

Մարիամ Աստվածածնի 11-րդ փոքր Վարդարանը

 

Մայր Մարիամի 11-րդ փոքր Վարդարանը

 

Դուք պետք է առավելագույն ճիգեր գործադրեք,

որպեսզի Աստծուն վերադարձնեք ձեր կյանք

 

 

Հանուն ԵՍ ԵՄ ՈՐ ԵՄ, սու՜րբ Աստվածամայր, պաշտելի՜ Մայր Մարիամ, ծնկաչոք իջնում եմ քո առաջ:

Բառեր չեմ գտնում, որ արտահայտեմ իմ սրտի ողջ Սերը, որ տածում եմ առ քեզ:

Ընդունի՜ր իմ Սերն ու երախտագիտությունը: Քեզ հայտնի է, թե ինչն է ամենակարևորն այս պահին իմ հոգու աճի համար:

Ես խնդրում եմ քո օգնությունն ու օժանդակությունը:

Խնդրու՜մ եմ, օգնիր, որ օրվա ունայնության մեջ չմոռանամ մեր անմիջական հաղորդակցության այն խաղաղ րոպեները, որոնց մասին հիշում է իմ հոգին:

Թող քեզ հետ ունեցած իմ անխզելի կապը նեցուկ լինի ինձ կյանքում և օգնի, որ չմոռանամ այն Բարձրագույն Ուղու մասին, որով մտադիր եմ քայլել իմ կյանքում: Ամեն

Հանուն Հոր, Մոր, Որդու և Սուրբ Հոգու: Ամեն

1. Ես եմ Մայր Մարիամը: Այսօրվա օրով ես ձեզ այցի եմ եկել որպես լավագույն բախտի ու ճակատագրի նախանշան, որոնք սպասվում են Երկրի վրա ապրող Աստծո ուստրերին ու դուստրերին: Այժմ հյուսիսային կիսագնդում շատ քիչ է արև շողում, և միայն հույսն է ջերմացնում մարդկանց հոգիները: Դուք գիտեք, որ կանցնի որոշ ժամանակ, և արևը հորիզոնից օր օրի ավելի ու ավելի վերև կբարձրանա: Այդպես է նաև ձեր հոգևոր կյանքում. մարդկային մառախլապատ գիտակցությունն անկասելիորեն պետք է փոխվի պայծառ արևային օրով: Ձեր Աստվածայնության Արևը պետք է լուսավորի ձեր բանականությունը, մտքերն ու զգացմունքները: Եվ դա անպայման տեղի կունենա, սիրելինե՛րս: Ներկայումս ձեր աշխարհում մոլեգնում են մութ ուժերն ու էներգիաները: Եվ յուրաքանչյուր ոք, ով լուսավոր էներգիա է ներմուծում ձեր աշխարհ, ենթարկվում է մեղադրանքների և նույնիսկ հալածանքի: Շատ տխուր բան է դա...

Ցնծա՛, Սուրբ Կույսդ Աստվածամայր,

Բարեշնորհ Մարիամ,

Տերը Քեզ հետ է.

օրհնյալ ես Դու կանանց մեջ,

և օրհնյալ է պտուղը որովայնիդ,

քանզի ծնեցիր մեր հոգիների Փրկչին:

2. Մի ժամանակ իմ որդի Հիսուս լրիվ չափով իր վրա կրեց մարդկային ատելությունն ու հակակրանքը: Նա իր կյանքը նվիրեց մարդկանց ծառայելուն: Շատ ու շատ անբուժելի հիվանդների նա բուժեց Աստծո օգնությամբ: Շատ ու շատ մարդիկ էին գալիս, որ տեսնեին իմ որդի Հիսուսի գործած հրաշքները: Սակայն որքան շատ բան էր նա անում մարդկանց համար, այնքան մեծանում ու ամրապնդվում էր նրա և նրա առաքելության նկատմամբ ընդդիմությունը: Մարդկային տրամաբանության տեսակետից շատ դժվար է բացատրել, թե այդ ինչպե՞ս եղավ, որ մոլեգնած ամբոխը, որի մեջ կային և Հիսուսի կողմից բուժված մարդիկ, կատաղի կերպով իմ որդու մահապատիժն էր պահանջում: Սակայն եթե մեզ թույլ տանք բարձրանալու գիտակցության ավելի բարձր մակարդակի վրա, ապա Քրիստոսի խաչելության տխուր իրողությունը միանգամայն հասկանալի կդառնա:

Ցնծա՛, Սուրբ Կույսդ Աստվածամայր,

Բարեշնորհ Մարիամ,

Տերը Քեզ հետ է.

օրհնյալ ես Դու կանանց մեջ,

և օրհնյալ է պտուղը որովայնիդ,

քանզի ծնեցիր մեր հոգիների Փրկչին:

3.  Հիսուս աշխարհին բերեց հսկայական քանակությամբ Լույս՝ ոչ միայն գիտելիքի լույս, այլև հսկայական քանակությամբ Աստվածային էներգիա: Այն ամենը, ինչ Լույսից չէր ծնված, ենթագիտակցական մակարդակով հակակրանք էր տածում Քրիստոսի առաքելության նկատմամբ: Այդ հակակրանքն իր արտահայտությունը գտավ Լույսին հակադիր ուժերի դրսևորումներով: Ձեզ հայտնի է այն օրենքը, որն ասում է՝ ամեն մի ազդեցություն ծնում է հավասար և հակառակ ուղղված հակազդեցություն: Ֆիզիկական աշխարհի այդ օրենքը լրիվ չափով կիրառելի է նաև աշխարհում տեղի ունեցող հոգևոր գործընթացների նկատմամբ: Եվ եթե մեկն օժտված է պատրանքային աշխարհին Աստվածային Լույս բերելու ներուժով, ապա կբախվի այն ուժերի հակազդեցությանը, որոնք պաշտպանում են պատրանքը: Այդպես է, սիրելինե՛րս: Ձեր աշխարհում մինչև այժմ այդ օրենքն անխափան գործում է:

Ցնծա՛, Սուրբ Կույսդ Աստվածամայր,

Բարեշնորհ Մարիամ,

Տերը Քեզ հետ է.

օրհնյալ ես Դու կանանց մեջ,

և օրհնյալ է պտուղը որովայնիդ,

քանզի ծնեցիր մեր հոգիների Փրկչին:

4.  Հիսուս Քրիստոսի օրինակով քրիստոնյաների մի քանի սերունդ հնարավորություն ունեցան իրենց վրա զգալու և ուսումնասիրելու այդ օրենքի ազդեցությունը: Եվ առ այսօր քրիստոնեության ճշմարիտ շատ հետևորդներ, որոնք հետևում են Քրիստոսի Ուսմունքի էությանը, և ոչ թե դրա տառին՝ իրենց վրա զգում են հակադիր ուժերի ճնշումը: Ձեր աշխարհում այդ հակադրությունն անխուսափելի է և միանգամից չի դադարի: Ինչպես ձեր աշխարհում ամեն ինչը, տիեզերքում գործող այդ երկու հիմնական ուժերի հակադրությունը չի կարող անմիջապես դադարել: Բայց ժամանակի ընթացքում այն ավելի քիչ ավերիչ բնույթ կստանա: Իսկ հեռավոր ապագայում այդ երկու ուժերն իրենց դրսևորումներն այնքան կհավասարակշռեն, որ նրանց հակադրությունից կծնվի համագործակցություն և փոխօգնություն:

Ցնծա՛, Սուրբ Կույսդ Աստվածամայր,

Բարեշնորհ Մարիամ,

Տերը Քեզ հետ է.

օրհնյալ ես Դու կանանց մեջ,

և օրհնյալ է պտուղը որովայնիդ,

քանզի ծնեցիր մեր հոգիների Փրկչին:

5. Պաշտելինե՛րս, ձեզնից շատերն էլ են հակադրվում մեկը մյուսին: Եվ դա տեղի է ունենում նույնիսկ այն դեպքերում, երբ կարծես թե ընթանում եք միևնույն հոգևոր ուղով: Այդ հակադրությունը բացատրվում է ձեր աշխարհի անկատարությամբ: Ուստիև ձեր էությունների միջոցով ինքնադրսևորվում են երկու հակադիր ուժեր: Տվյալ փուլում այդ դրսևորումը թշնամանքով է արտահայտվում, կասկածամտությամբ և նույնիսկ ատելությամբ: Նույն օրվա ընթացքում միևնույն մարդը կարող է ընկնել տարբեր ուժերի ազդեցության տակ: Այդ ամենը, սիրելինե՛րս, տեղի է ունենում ձեր սրտերում Սիրո պակասության պատճառով: Իսկ ձեր սրտերի Սիրո այդ պակասությունը պայմանավորված է Աստվածային աշխարհից ձեր աշխարհի կտրվածությամբ: Չկա Աստված՝ չկա և Սեր: Ուստի դուք պետք է առավելագույն ճիգեր գործադրեք, որպեսզի Աստծուն վերադարձնեք ձեր կյանք:

Ցնծա՛, Սուրբ Կույսդ Աստվածամայր,

Բարեշնորհ Մարիամ,

Տերը Քեզ հետ է.

օրհնյալ ես Դու կանանց մեջ,

և օրհնյալ է պտուղը որովայնիդ,

քանզի ծնեցիր մեր հոգիների Փրկչին: 

6. Տեսեք, թե ինչով եք շրջապատված ձեր աշխարհում: Գովազդներ, ուրբանիստական բնապատկերներ, մռայլ դեմքերով անցորդներ, ճղճիմ հեռուստահաղորդումներ: Ձեր աշխարհը բարյացակամ տրամադրված աշխարհ չէ: Եվ, մշտապես գտնվելով վախի, լարվածության ու մռայլության պայմաններում, մարդիկ համակվում են արտաքին աշխարհի այդ վիճակներով: Իսկ երիտասարդությունն իր մատաղ հասակում կորցնում է լավատեսության և ուրախության իր լիցքը, ինչն ի բնե հատուկ պետք է լիներ երիտասարդ մարդուն: Ճշմարիտ ուրախությունները փոխարինվում են անկատար պատրաստուկներով՝ անկատար ֆիլմերով, երաժշտությամբ, թմրանյութերով: Ճշմարիտ Սերը փոխարինվում է անկատար սիրով, որը ոչ մի ընդհանուր բան չունի Սիրո մեծ զգացմունքի հետ:

Ցնծա՛, Սուրբ Կույսդ Աստվածամայր,

Բարեշնորհ Մարիամ,

Տերը Քեզ հետ է.

օրհնյալ ես Դու կանանց մեջ,

և օրհնյալ է պտուղը որովայնիդ,

քանզի ծնեցիր մեր հոգիների Փրկչին: 

7. Անաստված շրջակա աշխարհում շատ հեշտ է հոգին կորցնելը: Հենց այն պատճառով, որ մարմնավորման մեջ գտնվող շատ մարդկանց, հատկապես երիտասարդների հոգիների համար ձեր ժամանակները շատ վտանգավոր են, ես և մյուս Վեհապետները գալիս և ձեզ տալիս ենք ձեր աշխարհում տեղի ունեցող պրոցեսների ըմբռնումը և հիշեցնում, որ աշխարհը միշտ այսքան տխուր չի եղել, և որ առջևում մարդկությանը լուսավոր ապագա է սպասվում:

Ցնծա՛, Սուրբ Կույսդ Աստվածամայր,

Բարեշնորհ Մարիամ,

Տերը Քեզ հետ է.

օրհնյալ ես Դու կանանց մեջ,

և օրհնյալ է պտուղը որովայնիդ,

քանզի ծնեցիր մեր հոգիների Փրկչին: 

8. Սկզբում այդ ապագան կծլարձակի սակավաթիվ մարդկանց սրտերում՝ նրանց, ովքեր Ոգով ուժեղ են և կարող են շրջապատի պատրանքին հակադրել իրենց հավատը և Աստծուն ու Վեհապետներին իրենց նվիրվածությունը: Այնուհետև, երբ Աստվածային գիտակցության վիճակ ունեցող հոգիների քանակը կմեծանա, մարդկությունն իր մեծ մասով կշրջվի Լույսի կողմը: Իսկ այն մարդիկ, որոնք ներկայիս մարդկության մեծ մասին բնորոշ գիտակցության վիճակը կունենան, կդիտվեն որպես բացառիկ շեղածիններ՝ արժանի անսահման Կարեկցանքի ու Սիրո:

Ցնծա՛, Սուրբ Կույսդ Աստվածամայր,

Բարեշնորհ Մարիամ,

Տերը Քեզ հետ է.

օրհնյալ ես Դու կանանց մեջ,

և օրհնյալ է պտուղը որովայնիդ,

քանզի ծնեցիր մեր հոգիների Փրկչին: 

9. Միայն Կարեկցանքի, Գթասրտության ու Սիրո ազդեցությամբ է, որ ձեզնից շատերի հոգիներն ունակ կդառնան հարթելու իրենց հոգևոր հագուստի ճմռթվածքներն ու հառնելու դեպի Կյանք: Իմ որդի Հիսուսի սխրանքն այն էր, որ չկորցրեց իր Սերն այն մարդկանց նկատմամբ, որոնք կտտանքների ենթարկեցին իրեն և իր մահը կամեցան: Այդ է պատճառը, որ աշխարհի միլիոնավոր քրիստոնյաներ շարունակում են խոնարհվել իմ որդու սխրանքի առջև:

Ցնծա՛, Սուրբ Կույսդ Աստվածամայր,

Բարեշնորհ Մարիամ,

Տերը Քեզ հետ է.

օրհնյալ ես Դու կանանց մեջ,

և օրհնյալ է պտուղը որովայնիդ,

քանզի ծնեցիր մեր հոգիների Փրկչին: 

10. Ես կանխատեսում եմ, որ իմ այս Ուղերձը կարդացողներից շատերն ապագայում ունակ կլինեն Սիրով հատուցելու պատրանքային ուժերի բոլոր ծուղակների ու խորամանկ հնարքների դիմաց: Եվ նույնիսկ մահվան սպառնալիքի տակ իմ զավակներն ունակ կլինեն Գթասրտություն ու Կարեկցանք տածելու այն մարդկանց հոգիների նկատմամբ, ովքեր իրենց կչարչարեն: Քանզի շատ ու շատ են նրանք, ովքեր չգիտեն, թե ինչ են անում: Եթե իմանային, ապա երբեք թույլ չէին տա իրենց արարքներից շատերը: Դուք կարող եք Ուղի ցույց տալ շատ մոլորյալ հոգիների: Աղոթեցե՛ք մարդկության պայծառացման համար և ներեցե՛ք բոլորին: 

ԵՍ ԵՄ Մայր Մարիամը

Ցնծա՛, Սուրբ Կույսդ Աստվածամայր,

Բարեշնորհ Մարիամ,

Տերը Քեզ հետ է.

օրհնյալ ես Դու կանանց մեջ,

և օրհնյալ է պտուղը որովայնիդ,

քանզի ծնեցիր մեր հոգիների Փրկչին:

 

Փառք Հորը և Որդուն և Սուրբ Հոգուն և Աստվածամորը,

այժմ և միշտ հավիտյանս: Ամեն

 

Հանուն Հոր, Մոր, Որդու և Սուրբ Հոգու:

ԱՄԵՆ

Վեհապետ Էլ Մորիայի այսօրվա Ուղերձը

Դուք պարտավոր եք Աստծուն վերադարձնել ձեր կյանք

Վեհապետ Մորիա

27 դեկտեմբերի, 2013 թ.

ԵՍ ԵՄ Էլ Մորիան...

Այսօր ես եմ ձեզ այցի եկել...

Ո՜վ, իմ սիրելի սաներ, սիրելինե՛րս, ամեն անգամվա հետ իմ գալուստն ավելի ու ավելի տխուր է դառնում:

Այո՛, ես ստիպված եմ փաստել, որ իմ աշակերտներից շատ շատերը, որոնց հետ ես հույսեր էի կապել, դուրս եկան Ուղուց:

Պատրանքը, նրա դյութանքներն Ուղուց հանեցին իմ ամենանվիրյալ աշակերտներից շատերին, որոնք շատ մարմնավորումների ընթացքում մնում էին ինձ հետ:

Եվ ահա այսօր ես այսպիսի տխուր փաստ եմ արձանագրում:

Ի՞նչ անել հիմա... Արդյո՞ք խուճապահար լինել ու հուսալքվել...

Ասեմ ձեզ, որ մեր խնդիրները բնավ չեն փոխվել: Եվ քիչ քանակով նու՛յնպես մենք ունակ կլինենք վիթխարի աշխատանք կատարելու...

Մարմնավորման մեջ գտնվող իմ աշակերտներից յուրաքանչյուրն իր քաշով մեկ ոսկի արժե: Նրանցից ամեն մեկը ստիպված կլինի մարտնչելու հազարապատիկ գերազանցող պատրանքային ուժերի հետ:

Ի՜նչ արած, սա առաջին անգամը չէ: Հապա հիշե՜ք ձեր մարմնավորումն Արթուր թագավորի օրոք...

Արթնացրե՜ք ձեր ասպետական ոգին և նվիրվածությունն Աստծուն:

Պետք է ձեզ ասեմ, որ Վեհապետների բոլոր պլանները չէ, որ ընթանում են այնպես, ինչպես նախապես ծրագրված էին: Մենք մեկը մյուսի հետևից պարտություններ ենք կրում և կորցնում մեր ամենափորձառու մարտիկներին: Շատ ցավալի է... Այնուհանդերձ՝ ես ձեզ կոչ եմ անում մշտապես ընթանալ միայն Բարձրագույն ուղով...

Միայն այն դեպքում եք դուք անխոցելի դառնում մեզ հակադիր ուժերի համար, երբ ձեր գիտակցությունը մշտապես կենտրոնացնում եք առ Աստված:

Միա՜յն ու միայն նվիրվածություն Աստո Կամքին...

Միա՜յն հաղթանակի հասնելու վճռականություն...

Միա՜յն անխորտակ մնալու ցանկություն...

Ես գիտեմ, որ ծանր է վիճակը: Գիտեմ, որ շատերն են շեղվել Ուղուց: Բայց նաև գիտեմ, որ Լույսի ու խավարի միջև ճակատամարտի ելքն արդեն կանխորոշված է: Եվ գիտեմ, որ Եղբայրության ամեն մի հավատարիմ զինակից ունակ է դիմագրավելու մահվան ու դժոխքի ամբողջ հրոսակախմբերի:

Ոգու՜ Ասպետներ, հարկ է միաբանվե՛լ վճռական ճակատամարտից առաջ...

Պետք է ասեմ, որ ձեզ հարկ կլինի դրսևորելու ձեր բոլոր ունակություններն ու շնորհները: Պետք է դեն նետեք այն ամենը, ինչը ձեզ կապում է պատրանքի ու նրա դրսևորումների հետ՝ լինեն դրանք ձեզնից դուրս, թե ձեր ներսում:

Հենց հիմա՛ է ժամը... Հենց հիմա՛ պետք է անսասան մնալ և ուժերի գերակշռություն ստեղծել ճակատամարտի վճռորոշ հատվածում:

Ուստի ես գտնում եմ, որ պե՛տք չէ վհատվել, պե՛տք չէ խուճապի մատնվել:

Հարկավոր է վերադասավորել մարտական շարքերը և մղվել դեպի հաղթանակ:

Այո՛, ամեն ինչը չէ, որ ստացվում է: Այո՛, թվային գերակշռությունը դեռս մեզ հակադիր ուժերի կողմն է:

Սակայն մենք չենք հոգնում ձեզ համար կրկնելուց, որ Հաղթանակը Լույսի ուժերի կողմը կլինի, քանի որ այդպիսին է համայն այս Տիեզերքի Օրենքը...

Ձեր մարմնավորման մեջ լինելու յուրաքանչյուր րոպեին ու վայրկյանին դուք պետք է գիտակցեք Աստծո հետ ունեցած ձեր կապը: Միայն այդ դեպքում եք դուք ստանում Լույսի անխոցելի պաշտպանությունը:

Միայն այդ դեպքում է, որ դուք կկարողանաք ընթանալ դեպի հաղթանակ:

Իսկ երբ սկսում եք տրտնջալ և ձեր անհաջողությունների պատճառները փնտրել ձեզնից դուրս, երբեք չեք հասնի հաղթանակի:

Ձեր բոլոր անհաջողությունների ու պարտությունների պատճառները ձեր ներսում են:

Երբ թուլացնում եք ձեր Հավատը, կորցնում կապը ձեր Ոգու հետ, խոցելի եք դառնում հակադիր ուժերի համար: Կասկածի ու վհատության որդը թափանցում է ձեր գիտակցության մեջ և անխուսափելիորեն ծնում պարտության տրամադրություն:

Ուստի ամեն օր անխոնջ կերպով ձեզ վրա պատասխանատվություն վերցրեք աշխարհի ճակատագրի համար...

Ամեն օր պահպանե՜ք ձեր մարտական ոգին և նվիրվածությունն Աստծուն...

Ես գիտեմ, որ հակադիր ուժերը կիրառում են ամենանենգ հնարքները: Եվ ասում եմ ձեզ, որ պաշտպանված ու ամխոցելի լինելու համար դուք պետք է միշտ պահպանեք Աստծո հետ ձեր կապը:

Օրվա մեջ քանի՞ ժամ եք մտածում Աստծո մասին...

Շաբաթվա քանի՞ օրն եք նվիրում աղոթքային արթնությանը...

Տարվա մեջ քանի՞ օր եք կատարում Աստծո և Վեհապետների գործերը...

Հարկ է, որ հաշվապահական հաշվարկը կատարեք այն ժամանակի, որը դուք նվիրաբերում եք Աստծուն ու Վեհապետներին:

Այնժամ ձեզ համար պարզ կդառնա ձեր անհաջողությունների ու պարտությունների պատճառը:

Ես պարզ ձևակերպեցի՞ արդյոք ձեր առջև ծառացած խնդիրները:

Ձեր պասսիվության ու ծուլության համար ոչ մի արդարացում չկա և չի կարող լինել:

Վառարանի մոտ պառկելու հնար չկա, երբ թշնամին գերում է ձեր հողը, ձեր զավակներին ու հարազատներին:

Ամեն ոք պատրանքային ուժերի դեմ պետք է մարտնչի տաս հոգու փոխարեն:

Իսկ մի հոգին կարող դիմակայել հազարին, եթե Աստծո հետ է:

Ես անձամբ կգամ ու կզորեղացնեմ յուրաքանչյուրին, ով այս ժամանակներում վճռականություն կցուցաբերի սեփական կյանքի, սեփական հեղինակության գնով դիմակայելու պատրանքի ուժերին:

Երկրում տիրող այս իրավիճակում ոչինչ նշանակություն չունի, բացի մի բանից՝ դուք պարտավոր եք Աստծուն վերադարձնել ձեր կյանք...

Դա պետք է անեք ամեն գնով՝ անգամ սեփական կյանքի:

Ես օրհնում եմ ձեզ, որ մարտական սխրանք գործեք հանուն Կյանքի...

ԵՍ ԵՄ Էլ Մորիան

Տատյանա Միկուշինա, 2013 թ.

                                                                                                              Թարգմանեց Խ. Մանասելյանը

Պյութագորաս-Կութհումիի այսօրվա Ուղերձը

Եթե չեք մտածում Աստծո մասին,

ուրեմն ինքներդ ձեզ հեռացնում եք Աստծուց

Կութհումի

26 դեկտեմբերի, 2013 թ.

ԵՍ ԵՄ Կութհումին:

Ես այսօր եկել եմ, որպեսզի խոսեմ գլխավորի մասին՝ այն մասին, թե որն է ձեր ժամանակների օրախնդիր հարցը:

Ձեր կարծիքով ի՞նչն է ձեզ համար ամենագլխավորը:

Շատերը կասեն, որ իրենց համար ամենագլխավորը փողն է: Մյուսները կասեն՝ առողջությունը:

Որոշները կխոսեն այն մասին, որ իրենց պակասում է սիրո զգացումը, որը կուզենային տածել ուրիշ մեկի նկատմամբ:

Շատ բաներ կան, որ կուզենայիք ունենալ ձեր կյանքում, և միշտ ձեզ թվում է, թե այդ ձեր ուզածը հենց ամենագլխավոր բանն է, որ կա...

Ես չեմ վիճի ձեզնից ոչ մեկի հետ: Քանզի ինքներդ եք ընտրում, թե ինչով զբաղվեք ձեր կյանքում: Եվ ես չեմ եկել, որ ձեզ հակաճառեմ, թե ձեր կյանքի զբաղմունքները սխալ են կամ ոչ ճիշտ:

Ես եկել եմ ուղղակի հիշեցնեմ, թե որն է իրականում գլխավորը ձեզ համար, որն այլևս առկա չէ մարմնավորված մարդկանց մեծ մասի կյանքում: Անշուշտ, խոսքս վերաբերում է Աստծո հետ ձեր միասնությանը:

Աստծո հետ միասնության զգացումը՝ այն Աստծո հետ, որն առկա է ձեր, ձեր մերձավորների, ընկերների, Կյանքի յուրաքանչյուր մասնիկի ներսում, մարդկության կողմից կորսված է:

Եվ եթե ձեզ հաջողվեր վերագտնել այդ միասնությունը, ապա ձեզնից ամեն ոք երջանիկ ու խաղաղված կզգար իրեն: Դուք կզգայիք լիակատար պաշտպանվածություն ու հանդարտվածություն:

Ի՞նչ կասեք, ճիշտ գուշակեցի՞, թե ինչն է պակասում ձեր կյանքում...

Դուք կարող եք այդ պակասող բանը տարբեր կերպ անվանել, բայց իրականում ներկայումս ձեր կյանքերում աղետալիորեն պակասում է  հատկապես այս տիեզերքի Արարչի և Կյանքի յուրաքանչյուր մասնիկում Նրա դրսևորման հետ ձեր միասնության զգացումը:

Ինչու՞ է այդպես ստացվել:

Ինչու՞ եք կորցրել ձեր միասնությունը:

Ինչու՞ եք ձեզ այդպես միայնակ ու անպաշտպան զգում:

Ինչու՞ է ձեր հասարակությունում գերակշռող զգացում դարձել ահը...

Իմ այս Ուղերձով ես պատրաստ եմ պատասխանելու բոլոր այդ հարցերին:

Հենց դրա համար եմ եկել:

Եվ սկսեմ նրանից, որ հենց ինքներդ եք պատճառ դարձել Աստծո աշխարհից կտրվածության համար: Հավանաբար շատ անգամ եք լսել, որ ձեզ հետ տեղի ունեցող ամեն ինչի համար ինքներդ եք մեղավոր: Անշուշտ,  դա այս տիեզերքի հիմնական օրենքի՝ Կարմայի և հատուցման օրենքի հիմնական դրույթն է:

Այն ամենը, ինչ ունենք ներկայում, իրենց պատճառներն ունեն անցյալի մեր նախընտրանքներում ու արարքներում: Հետևաբար ինքներդ եք պատճառ հանդիսացել այն վիճակի համար, որում ժամանակի այս պահին հայտնվել եք դուք և ձեր հասարակությունը:

Վաղուց ինչ-որ ժամանակ դուք կատարել եք առաջին քայլը՝ հեռանալով ի սկզբանե ձեզ տրված միասնությունից: Այդ քայլը դեպի բաժանում էր տանում: Այդ քայլով դուք որոշեցիք ինքներդ լինել ձեր ճակատագրի տերը: Եվ նախընտրեցիք գործել համաձայն ձեր ցանկությունների ու հակումների:

Կամքի ազատության տեսանկյունից դուք բացարձակապես ճիշտ եք վարվել: Ուղղակի որոշել եք ի հայտ բերել ձեր անհատականությանը բնորոշ հակումներն ու տաղանդները:

Ձեր այդ ընտրությունը տեղի է ունեցել միլիոնավոր տարիներ առաջ: Այդ ժամանակից սկսած, նյութական շրջակա աշխարհն անընդհատ փոխվել է դեպի թանձրանալու կողմը: Եվ հիմա ձեր շուրջը տեսնում եք հենց այն, ինչը մեծ հաշվով ստեղծված է ձեր գիտակցությամբ ու այն գործողություններով, որոնք ձեռնարկել եք՝ հիմնվելով ձեր ազատ կամքի վրա:

Բայց ինչու՞ հիմա ձեզ երջանիկ չեք զգում...

Ինչու՞ ուրախ չեք...

Ինչու՞ համակված չեք այն սիրով, որն այս տիեզերքի յուրահատկությունն է...

Արդյո՞ք այդ ամենի պատճառն այն չէ, որ ինքներդ ձեզ կտրել եք Աստծո աշխարհից:

Ձեր մեջ շատե՞րը կան արդյոք, որ օրվա ընթացքում մտածում են Աստծո մասին: Այն Աստծո մասին, որը ներկա է ամբողջ արարվածում, և դուք էլ, ըստ էության, նրա մարմնավորված մասն եք:

Եթե չեք մտածում Աստծո մասին, ուրեմն ինքներդ ձեզ հեռացնում եք Աստծուց: Եվ Աստծուց այդ ինքնահեռացումը նստած է ձեր գիտակցության մեջ:

Մենք ընդհուպ մոտեցանք որոշում կայացնելու գործին, թե ինչպես վերագտնել Աստծո հետ միասնությունը և դրա հետ կապված անդորրության, ուրախության, երջանկության և խաղաղվածության վիճակը:

Ձեզ հարկավոր է միայն մշտապես մտածել Աստծո մասին, որպեսզի նրան վերադարձնեք ձեր կյանք: Շատ պարզ ու հասարակ որոշում է, այնպես չէ՞. ուզում ես երջանի՞կ լինել. եղի՛ր երջանիկ...

Բայց հենց որ ձեր գիտակցության մեջ կայացնում եք այդ պարզ որոշումը և ձգտում այն իրագործել, ձեր կյանքում տառացիորեն սկսում են անսպասելի հրաշքներ տեղի ունենալ. շրջակա ամեն ինչը սկսում է ձեզ խանգարել, որ չհետևեք ձեր որոշմանը՝ Աստծո հետ միասնական դառնալուն: Նախ և առաջ՝ ձեզ սկսում են տիրել ձեր սեփական մտքերը: Ձեր մարմնական խելքը մեկը մյուսի հետևից ձեզ նորանոր գաղափարներ է հրամցնում: Օրինակ՝ սկսում եք մտածել, որ նախքան կյանքն Աստծուն նվիրաբերելը՝ լավ կլինի գնալ ծով, հանգստանալու: Կամ մտածում եք, թե դեռ վաղ է ձեր կյանքն այդպես սահմանափակելը, քանի որ դեռ կարգին չեք սիրել ձեր սիրած աղջկան (կամ տղային): կամ էլ մտածում եք, թե նախ պետք է բավականաչափ փող կուտակել, որ հետո հանգիստ հնարավորություն ունենաք ամբողջ մնացած կյանքը նվիրաբերելու Աստծուն:

Ձեր ներքին ցանկությունները տարածությունից համապատասխան հնարավորություններ են մոտեցնում, որպեսզի դուք իրականացնեք դրանք: Երկար բաժանումից հետո հանկարծ զանգ եք ստանում ձեր սիրեցյալից: Կամ՝ հանկարծ բարձր վարձատրվող աշխատանք են առաջարկում ձեզ: Կամ՝ էլի նման մի բան: Եվ դուք իսպառ մոռանում եք Աստծուն: Դուք ամբողջովին թաղվում եք ձեր շուրջը եղած կյանքի հոգսերի ու տպավորությունների մեջ:

Մի՛ կարծեք, թե իմ նկարագրածները վատ բաներ են և արժանի համընդհանուր պարսավանքի: Ո՛չ: Այդպիսին է ընդհանուր իրավիճակը, որը ներկայումս հաստատվել է աշխարհում: Բոլոր մարմնավորվածներդ այդ իրավիճակի պատանդներն եք: Դուք գտնվում եք պատրանքային ուժերի լարած թակարդում:

Եվ եթե պատրանքի լաբիրինթոսից դուրս գալու ոչ մի ելք չլիներ, ապա ո՛չ ես, ո՛չ էլ մյուս Վեհապետներն իզուր  չէինք վատնի մեր ժամանակը, որպեսզի գանք և տանք մեր Ուղերձները:

Այնուհանդերձ ես պնդում եմ, որ մեր Ուղերձները կարդացողներից յուրաքանչյուրն ունակ է իր հենց այս մարմանվորման ընթացքում այնքան թուլացնել պատրանքային ուժերի ազդեցությունը, որ նրանք այլևս չկարողանան կառավարել և ձեռնածություններ անել իր հետ, և դրանով իսկ դառնալ իր ճակատագրի տերը:

Հենց դրա համար ենք մենք գալիս և ուսուցանում ձեզ:

Իրականում պատրանքից դուրս գալու ելքը շատ պարզ է: Եվ այդ ելքը ձեր գիտակցության մեջ է:

Դուք որոշում եք կայացնում ազատվելու պատրանքային ուժերի ազդեցությունից:

Եվ ամեն օր առավոտից երեկո հետևողական եք լինում ձեր այդ որոշման մեջ:

Եթե մշտապես նույն ուղղությամբ գնաք, ապա կհասնեք ձեր նպատակին:

Իսկ եթե օրվա ընթացքում փոխեք ձեր շարժման ուղղությունը՝ առավոտվանից շարժվեք Աստծո կողմը, իսկ կեսօրից սկսեք բավարարություն տալ ձեր քմայքներին, ապա երբեք չեք հասնի ձեր  նպատակին՝ Աստծո հետ միասնությանը:

Իսկ ամենից շատ ի՞նչն է ձեզ խանգարում:

Հենց ինքներդ:

Ձեզ հարկավոր է միայն հաղթահարել ձեր մարմնական խելքի դիմադրությունը: Եվ այդ է  հիմնականը, որ պետք է անեք: Դրա համար գոյություն ունեն ճշմարիտ հոգևոր գործառություններ, որոնք օգնում են ձեր գիտակցությունը մշտապես պահելու Աստծո ուղղությամբ:

Դուք ամեն օր պետք է ժամանակ հատկացնեք հոգևոր գործառություններին: Ոչ մի օր չեք կարող բաց թողնել: Քանզի հենց որ դադարեք վերելքի վրա ոտնակները պտտացնել, անմիջապես հետ կգլորվեք դեպի ստորին լանջերը, որից հետո հարկ կլինի նորից սկսել վերելքը դեպի գագաթ:

Ահա սրանք են այն հիմնական սկզբունքները, որոնք կօգնեն ձեզ, եթե վճռական եք տրամադրված վերագտնելու Աստծո հետ միասնության ձեր վիճակը:

ԵՍ ԵՄ Կութհումին

Տատյանա Միկուշինա, 2013 թ.

Թարգմանեց Խ. Մանասելյանը