ԱՄՆ Սենատի կողմից միաձայն ընդունված բանաձևը հայության համար չպետք է մնա ընդամենը սրտահովանքի կամ բարոյական հաղթանակի մակարդակի վրա։ Միացյալ Հայաստանն իրողություն դարձնելու վիլսոնյան իրավարար վճռի հետ մեկտեղ՝ ճիշտ ժամանակին ընդունված այդ կարևոր ու վճռորոշ բանաձևը նույնպես պետք է դրվի եկող Հայրենատիրության Տարվա հիմքում՝ որպես Հայոց Պահանջատիրության ուղղությամբ գործնական քայլեր անելու ևս մեկ զորեղ նախապայման։
Եկող Հայրենատիրության Տարում Համայն հայության ամբողջ ուշադրությունը պետք է կենտրոնացված լինի իրավաքաղաքական պահանջատիրության միջոցով Միացյալ Հայաստանն իրողություն դարձնելու վրա։ Ցանկացած պառակտիչ քայլ կամ քաղաքական ակտ, որն իր բնույթով հակառակ է ուղղված Միացյալ Հայաստանի կերտման գործընթացին, անհապաղ պետք է կասեցվի։ Մասնավորապես, ինչպես Հայրենատիրության Տարվա ամբողջ ընթացքում, այնպես էլ դրա ավարտից հետո՝ Արցախում իշխանական ընտրություններ չպետք է տեղի ունենան։ Արցախը ՀՀ-ից անկախացնելու ցանկացած քայլ ծառայում է Միացյալ Հայաստանի փրկարար գաղափարն ի չիք դարձնելու և վիլսոնյան իրավարար վճիռն ուժազրկելու ազգադավ գործին։ Ուստի մինչև տարեվերջ Արցախի Ազգային խորհրդի պատգամավորները հատուկ նիստով պարտավոր են վերահաստատել Միացումը, Արցախը հռչակել ՀՀ մարզ և ինքնալուծարվել։
Ներկա պատմական իրավիճակից ելնելով՝ մինչև տարեվերջ ՀՀ ԱԺ պատգամավորներն իրենց հերթին 2020 թվականը պարտավոր են հատուկ նիստով պաշտոնապես հռչակել Հայրենատիրության Տարի։ Հարցի համազգային նշանակությունն ու կարևորությունն այնքան մեծ է ու բախտորոշ, որ ցանկացած հապաղում կարող է հանգեցնել շուտափույթ իշխանափոխության՝ ինչպես Երևանում, այնպես էլ Ստեփանակերտում։
Ի ԶԵ՛Ն, Ի ԳՈ՛ՐԾ, Ի ԲՌՈՒ՛ՆՑՔ
Խաչիկ-Ապեր
13․12․2019թ․
13․12․2019թ․
Комментариев нет:
Отправить комментарий