ԱՄՆ Սենատի պատմական բանաձևին նախորդած և դրան հաջորդող աշխարհաքաղաքական ու տարածաշրջանային իրավիճակները, 1920 թ-ի նոյեմբերի 22-ից ուժի մեջ մտած վիլսոնյան իրավարար վճիռը, ինչպես նաև միազգայնորեն ընդունված բազմաթիվ իրավական ակտերը միանգամայն բարենպաստ իրավիճակ և բացառիկ հնարավորություն են ստեղծում համայն հայության համար, որպեսզի եկող Հայրենատիրության Տարվա ընթացքում Հայոց Պահանջատիրությունը մղվի առաջին պլան։ Առկա են բոլոր նախադրյալներն ու իրատեսական հիմքերը, որպեսզի ազգային հայրենասիրական ուժերը միաբանվեն և բազմավեկտոր գործունեությամբ Տարվա հենց սկզբից անեն հնարավոր ամեն ինչ՝ Հայոց Պահանջատիրությանը գործնական ու խաղաղ ընթացք հաղորդելու համար։
Մեծ ցավով ստիպված եմ արձանագրել այն փաստը, որ ՀՀ և ԱՀ նյութապաշտ-լիբերալ իշխանությունները, զուրկ լինելով ազգային արժեհամակարգից ու գաղափարախոսությունից, ոչ միայն լրիվ անտարբեր են Հայոց Պահանջատիրության անհետաձգելի հիմնախնդիրների նկատմամբ, այլև կարող են դավաճանաբար մեծապես խոչընդոտել դրանց խաղաղ հանգուցալուծմանը։
Անձամբ ես այն կարծիքին եմ, որ հայ ազգի համար ստեղծված բացառիկ բարենպաստ իրավիճակն անթույլատրելի է ձեռքից բաց թողնել, ուստի ազգային հայրենասիրական ուժերին կոչ եմ անում մոտակա ամիսների ընթացքում ձեռնարկել բոլոր հնարավոր քայլերն ու միջոցները, որպեսզի նշածս խոչընդոտները վերանան քաղաքական ասպարեզից։
Կարծում եմ, որ այսօրվանից սկսած պետք է մտածել ՀՀ և ԱՀ Միացյալ Ժամանակավոր Կառավարություն կազմելու մասին, որում պետք է ընդգրկված լինեն բացառապես ազգային հայրենասիրական ուժերի ճանաչված ներկայացուցիչներ։
Հապաղել չի կարելի, այլապես ազգովի մեծ և անդառնալի կորուստներ կարող ենք ունենալ ցանկացած չարդարացված հապաղման պատճառով։ Եթե այսօր ժամանակը մեր օգտին է աշխատում, ապա վաղը կարող է դրա ճիշտ հակառակը լինել․․․
Խաչիկ-Ապեր
15․12․2019թ․
Комментариев нет:
Отправить комментарий