ՄԵԾԵՐԻ ԵՐԿՆԱՅԻՆ ԵՐԹ

Այս երթն էլ գուցե

Անտեսել փորձեք,

Բայց աչք-ունկ բացեք,

Իսկ լեզուն՝ գոցեք:

           Մունետիկ

Նարեկացի

Կվիճակվի շատին

Քարե անձավ, կացին,
Ողբաձայն կաղոթի

Մի նոր Նարեկացի...

Սայաթ-Նովա

Մի նոր «Սայաթ-Նովա»

Ձեր կողքին է արդեն,

Բայց ձեզ համար, ավա՜ղ,

Դեռ երգերս բարդ են:

Ջիվանի

Ես՝ բացակա, դու՝ ներկա

Ի՞նչ է փոխվել՝ դեռ ոչինչ.

Կուզես՝ անզոր հեկեկա,

Կուզես՝ ձայնդ զլիր ջինջ...

Կոմիտաս

Կարկառում եմ ձեռքս

Ես Մայր Անահիտին.

-Մի՜ թող, որ տան երգս

Պճնված Լիլիթին...