Հետադարձ հայացք (նամակ անցյալից)

14 հունիս, 82, Երևան

Սիրելի Խաչիկ,

    Զգացված եմ, որ իմ բանաստեղծությունները 

կարողացել են Ձեզ ներշնչել՝ գրելու երգեր:

   Շատ կուզենայի լսել այդ երգերը:

   Կարող ենք հանդիպել և իմ աշխատանքի վայրում

և մեր տանը:

   Տանս հասցեն գիտեք:

   Աշխատանքիս վայրը «Սովետական Հայաստան»

ամսագրի խմբագրությունն է (Ալավերդյան 37,

«Վահագն» կաֆեի շենքում, մուտքը հակառակ 

կողմից):

   Ցերեկվա 11-ից մինչև 4-ը աշխատանքի վայրում 

եմ, հետո տանը:

                                             Բարևներով՝

Վահագն Դավթյան

Ուր են թևել (mp3)

Խոաք՝ Վ. Դավթյանի, երաժշտ.՝ Խ. Մանասելյանի

1. Շաղոտ փեշը քամուն տված,

Ծամը նետած հետև,

Կանաչ-կանաչ դաշտի միջով

Վազում էր նա թեթև:

Կրկներգ- Ա՜խ, դու քամի, մեղսոտ ու չար,

Ա՜խ, մեղավոր ձևեր...

Ու՞ր է աղջիկն, ու՞ր է քամին,

Ու՞ր են, ու՞ր են թևել:

2. Քամին սուրում, քամին հասնում,

Ելնում հասակն ի վեր,

Բաց էր անում քնքուշ, քնքուշ

Ու մեղավոր ձևեր:

 Կրկներգ- Ա՜խ, դու քամի...

3. Եվ մեղավոր այդ ձևերից

Լույս էր ծորում հողին,

Ասես վազում էր, որ հասնի

Հեռաստանի շողին:

Կրկներգ- Ա՜խ, դու քամի...