Վտարել վտարողին

Դիվային, անդեմ մի ճիվաղ է նա, հայ չէ, օտար է,

Ով Հայա Աստծո փառաբանողին,

Մեր նախնյաց վարքը լուսաբանողին

Խարդավանել է ու առաջարկել երկրից վտարել:

Ո՜վ հայորդիներ, բա՛վ է երկմտել, բա՛վ է մտորել,

Առաջին հերթին այդ վտարողի՛ն պետք է վտարել:

Ո՛չ փող, ո՛չ դղյակ ոչ ոք երբևէ երկինք չի տարել

Նյութապաշտներին Տերը վերևում դեռ չի սատարել,

Իսկ ով չափազանց թունոտ է հոգով ու նենգ իր մտքով,

Դժոխքի անտակ խորխորատից է նույնիսկ վտարել:

Ուստի ասում եմ՝ բա՜վ է երկմտել, բա՜վ է մտորել,

Իշխանական պիղծ վատաբանողի՛ն պետք է վտարել:

Իսկ Հայա Աստծուն փառաբանողին,

Մեր նախնյաց վարքը լուսաբանողին,

Որ փափագում է գալ և Հայքի սուրբ օջախը պահել՝

Միայն սատարե՛լ, ընդմիշտ սատարե՛լ...