Ուսմունք արտաերկրային քաղաքակրթությունների մասին

21 ապրիլի, 2006 թիվ

ԵՍ ԵՄ Զրադաշտը՝ մեր դեսպանորդի միջոցով կրկին ձեզ այցի եկածս:

ԵՍ ԵՄ եկել, որպեսզի տամ ևս մեկ ոչ մեծ Ուսմունք, որը, հուսով եմ, ձեզ համար հույժ օգտակար կլինի ձեր էվոլյուցիոն զարգացման ներկա փուլում:

Քանի որ ձեր քաղաքակրթությունն այժմ սկսել է վերընթաց շրջան՝ կանգնել է վերընթաց պարույրի վրա, ապա յուրաքանչյուր ուսմունք, որն արդեն հայտնի է եղել նախկին ժամանակներում, ձեր կողմից պետք է ընկալվի նորովի: Եվ ինչպիսի նոր ուսմունքներ էլ որ դուք ստանաք այլ աղբյուրներից ու անցուղիներից, ես պետք է տամ ոչ մեծ մի պարզաբանում՝ կապված այն բանի հետ, որ տիեզերքում գոյություն ունեն բազմաթիվ տարբեր հիերարխիաներ, որոնք ընթանում են յուրաքանչյուրն իր ուղով: Եվ այդ հիերարխիաներից շատերն ազգակից են այն հիերարխիային, որին պատկանում եմ ես, և որը Երկրի վրա ներկայացնում է մեր դեսպանորդը: Մյուս հիերարխիաները գտնվում են զարգացման մի փոքր այլ մակարդակների վրա, ունեն այլ կառուցվածքներ և լուծում են այլ խնդիրներ:

Այդ հիերարխիաների մեջ կան այնպիսինները, որոնց հետ մենք համագործակցում ենք, բայց կան նաև այնպիսինները, որոնց հետ մենք որևէ համաձայնության չենք գալիս: Նրանք գործում են իրենց օրենքներով: Այժմ ձեզ համար դժվար է ընկալել այս իրադրությունը, քանի որ այն ամենն, ինչը մենք մինչև այս պահն ասում էինք, վերաբերում էր այս տիեզերքում գոյություն ունեցող միասնական Օրենքին և այն մասին էր, որ ներքևինը պետք է ենթարկվի վերևինին: Այժմ դուք ստանում եք տեղեկատվություն, որը մի փոքր տարբերվում է նախկինում ձեր ստացածից: Այնուամենայնիվ ես պետք է նշեմ, որ իրոք ամեն ինչ այս տիեզերքում ենթակա է Մեծ Օրենքին, որը գործում է համայն տիեզերքում: Սակայն ինքը Օրենքը գործում է ընտրողաբար և տարբեր կերպ է բեկվում տիեզերքի տարբեր կետերում: Դա նման է այն բանին, որ Երկրի վրա գոյություն ունեն տարբեր երկրներ, և, չնայած յուրաքանչյուր երկրում գործում են ֆիզիկայի ու մաթեմատիկայի նույն օրենքները, միաժամանակ ամեն երկիր ունի իր օրենքը, որով կառուցել է իր պետությունը, և որով առաջնորդվում է այդ պետությունը: Եվ ճիշտ այնպես, ինչպես շատ պետություններ կարող են գոյատևել իրար նկատմամբ թշնամանք տածելով, այնպես էլ կան ուրիշ պետություններ, որոնք բարեկամաբար են տրամադրված իրար նկատմամբ և որոնց զարգացումը երկար դարերի ընթացքում խարսխված է եղել բարեկամության ու համագործակցության վրա: Եթե վերադառնանք մեր տիեզերքին, ապա պետք է գիտակցեք, որ այն ամենն, ինչ գոյություն ունի այս տիեզերքում, անհամեմատ ավելի բազմաբնույթ է, քան այն ամենն, ինչ գոյություն ունի Երկիր մոլորակի վրա: Եվ երբ ձեր գիտակցության մեջ դուք դուրս եք գալիս առանձին մոլորակի շրջանակներից, ապա հասկանում եք, որ տիեզերքում գոյություն ունեն այլ քաղաքակրթություններ, որոնք կարող են կառուցված լինել սկզբունքորեն այլ հիմքի վրա: Եվ չնայած այն բանին, որ այդ քաղաքակրթություններում գործում է համայն տիեզերքում գոյություն ունեցող ընդհանուր Օրենքը, այնուամենայնիվ նրանց հատուկ են զարգացման այլ սկզբունքներ, և նույնիսկ այլ աշխարհներ բնակեցնող էակների բնույթը կարող է նշանակալիորեն տարբերվել ձերինից:

Ցանկացած քաղաքակրթության զարգացման ընթացքում գալիս է այն պահը, երբ այն փոխազդեցության մեջ է մտնում տիեզերքում բնակվող այլ քաղաքակրթությունների հետ: Այդ գործընթացն ունի այն փուլի համանմանությունը, երբ մի որևէ ցեղ իր համար խաղաղ ապրում էր, և իր զարգացման որոշակի փուլում հանկարծ բացահայտում է, որ իրենից ոչ հեռու գոյություն ունի մի ուրիշ ցեղ՝ իրեն հատուկ սովորություններով ու օրենքներով:

Երբ դուք հայտնվում եք մի ուրիշ երկրում, ձեզ համար ամեն ինչ հետաքրքիր է՝ այդ երկրի օրենքներն ու սովորությունները, մարդկանց վարվելակերպը, շրջապատող իրականության նկատմամբ նրանց պատկերացումները: Երբ դուք հանդիպում եք այլ աշխարհների համակարգի պատկանող քաղաքակրթության հետ, ճիշտ նույն ձևով փոխադարձ հետաքրքրություն է ծագում: Այդ ամենը տեղի է ունենում ցանկացած քաղաքակրթության զարգացման որոշակի փուլում:

Այսօրվա իմ խրատի նպատակն է՝ տալ ձեզ այն բանի ըմբռնումը, որ մշտապես Երկիր մոլորակի զարգացման պատմության ընթացքում Երկրի վրա գոյություն ունեցող քաղաքակրթությունները բախվել են ավելի զարգացած քաղաքակրթությունների հետ: Եվ չնայած այն բանին, որ տիեզերքում գոյություն ունի և գործում է օրենք այն մասին, որ ոչ մի քաղաքակրթություն չի կարող վնաս պատճառել մի ուրիշ քաղաքակրթության, այնուամենայնիվ եղել են պահեր, երբ այդ օրենքը խախտվել է: Սակայն կան ավելի բարձր էակներ, որոնք հնարավորություն ունեն միջամտել և կարգավորել առաջացող ցանկացած վիճելի պահերը: Այժմ, երբ մարդկությունն իր ամբողջությամբ դուրս է գալիս իր զարգացման նոր մակարդակի վրա, շատ քաղաքակրթություններ, որոնք պատկանում են աշխարհների այն համակարգերին, որոնք բավականին առաջ են անցել Երկիր մոլորակի վրա գոյություն ունեցող քաղաքակրթության համեմատ, բայց ունեն երկրայինից տարբերվող զարգացման ուղղություն, կձգտեն փոխազդեցության մեջ մտնել Երկրի բնակիչների հետ: Ուստի դուք պետք է պատրաստ լինեք ցանկացած անակնկալների, որոնք կարող են տեղի ունենալ ձեր կյանքերում: Սակայն այս իրադրության մեջ էլ, ինչպես ցանկացած ուրիշում, գործում է թրթռանքներին համապատասխանող ձգողականության օրենքը: Եթե արտաերկրային քաղաքակրթությունները ձեզ անհանգստացնում են և չափազանց շատ տեղ են զբաղեցնում ձեր գիտակցության մեջ, ապա մեծ է հավանականությունն այն բանի, որ հանդիպեք այլ քաղաքակրթությունների ներկայացուցիչների հետ: Սակայն եթե արտաերկրային քաղաքակրթությունների հետ կապված հարցերը ձեզ չեն հետաքրքրում, ապա կանցնեք ցանկացած արտաերկրային օբյեկտի մոտով և նույնիսկ չեք նկատի այն:

Չարժե վախենալ որևէ բանից: Սակայն պետք է միշտ հիշել, որ ոչ բոլոր արտաերկրային քաղաքակրթություններն են բարեկամական զգացմունքներ տածում Երկրի բնակիչների նկատմամբ: Եվ եթե դուք ձեզ վստահ չեք զգում որևէ իրադրությունում և չգիտեք, թե ինչպես արձագանքեք դրան, ապա մի՛ մոռացեք, որ գոյություն ունեն Բարձրագույն Ուժեր, որոնք կոչված են ձեզ օգնություն ցուցաբերել և ձեզ պաշտպանել նման իրադրությունների դեպքում: Տիեզերքում գոյություն ունեցող ամեն ինչ չէ, որ հասկանալի ու մատչելի կարող է լինել ձեր արտաքին գիտակցության համար: Սակայն լավ կլինի, եթե դուք պատրաստ լինեք ցանկացած անկանխատեսելի իրադրությանն ու հանդիպմանը: Ուստի ես այսօր իմ պարտքը համարեցի ձեզ ոչ մեծ մի Ուսմունք տալ արտաերկրային քաղաքակրթությունների մասին:

Որպես կանոն՝ անցյալի բոլոր կրոնական համակարգերը թշնամաբար են տրամադրված եղել արտաերկրային քաղաքակրթությունների ցանկացած նման ներխուժման նկատմամբ և եկվորներին հայտարարել են դևեր ու սատանաներ: Գոյություն ունեցող կրոնական շրջանակների ու սահմանափակումների պայմաններում ուրիշ կերպ հնարավոր էլ չէր լինի վերաբերվել այդ ոչ միշտ հասկանալի երևույթներին: Եվ այժմ էլ շատ կրոնական համակարգեր ուսուցանում են, որ այլմոլորակային ներխուժումները սատանայի ու նրա կամակատարների գործն են:

Նորից եմ կրկնում, որ մարդկության զարգացման որոշակի փուլում նմանատիպ շփումները դառնում են անխուսափելի: Եվ քանի որ շատ արտաերկրային քաղաքակրթություններ չափազանց շատ են տարբերվում Երկրի վրա գոյություն ունեցող քաղաքակրթությունից, ապա դրանք ձեր գիտակցության մեջ կարող են ընկալվել որպես թշնամական:

Դուք ձեր գիտակցության մեջ դուրս եք գալիս ձեր զարգացման նոր մակարդակի վրա, և այդ պատճառով արտաերկրային քաղաքակրթությունների հետ ծագող հարաբերությունների հարցը մեր խրատներում չի կարող շրջանցվել: Դուք մշտապես պետք է հիշեք, որ Համբարձյալ Տիրակալները ձեզ ամենամոտ կանգնած էակներն են այս տիեզերքում՝ ըստ իրենց զարգացման մակարդակի և թրթռանքների: Դեռ ավելին՝ Համբարձյալ Տիրակալների շատ մասնիկներ գտնվում են մարմնավորման մեջ, և, հետևաբար, շատ Համբարձյալ Տիրակալներ առկա են ձեր ներսում: Դուք ձեր Բարձրագույն Ես-ի կազմում ունեք Համբարձյալ Տիրակալների մասնիկներ: Ուստի խորհուրդ եմ տալիս՝ քանի դեռ ձեր գիտակցությունը բավարար չափով չի նախապատրաստված, չափազանց շատ ուշադրություն մի՛ հատկացրեք արտաերկրային քաղաքակրթություններին և նրանց հետ կապերին: Երբ ձեր գիտակցությունն ավելի շատ հագեցած կլինի այլ քաղաքակրթություններին վերաբերող տեղեկատվությամբ, այնժամ ինքնե՛րդ էլ կկարողանաք ճիշտ գնահատել ծագած իրադրություններն ու ճիշտ որոշում կայացնել բարդ իրադրություններում: Իսկ հիմա՝ ևս մեկ խորհուրդ. հենց որ բախվում եք որևէ իրադրության հետ, որը շարժում է ձեր վրդովմունքը, կանչ հղեք այն համբարձյալ Տիրակալներին, որոնց մասին գիտեք՝ Հիսուսին, Մուհամեդ մարգարեին, Միքայել Հրեշտակապետին, Ազատության Աստվածուհուն, Սանատ Կումարային, ինձ կամ մյուս Տիրակալներին, և խնդրեք նրանց օգնությունն ու օժանդակությունը՝ ծագած իրադրությունից դուրս գալու համար:

Կարող եք ձեր կանչն արտահայտել բարձրաձայն կամ մտքի մեջ, կարող եք նաև ձեր անհանգստության էությունը շարադրել գրավոր ձևով և այրել ձեր խնդրանքի այդ նամակը: Միշտ վստահ եղեք, որ ձեր յուրաքանչյուր կանչի առիթով ձեռք կառնվեն անհրաժեշտ միջոցներ: Եվ ոչ մի դեպքում մի՛ երկյուղեք, ինչպիսի իրադրության մեջ էլ որ հայտնվեք: Սարսափի թրթռանքները կաթվածահար են անում ձեր կամքը և ձեր իսկ Բարձրագույն մասի հետ ձեր կապը:

Ես այսօր տվեցի արտաերկրային քաղաքակրթությունների հետ հարաբերվելու Ուսմունքի ուրվագծերը, և ես հուսով եմ, որ սույն փուլում այս խրատները ձեր կյանքում օգտակար կլինեն:

ԵՍ ԵՄ Զրադաշտը՝ ձեր նկատմամբ Սիրով լի