ՓՈՂԻ ՔՍԱԿԸ

Ի՜նչ մոլորություն... Փողի քսակը
Բարձրացնու՞մ է մարդու հասակը.
Ո՛չ, հաստացնում է փորն ու կզակը
Եվ մարում գլխի աղոտ պսակը:

Մարդը դառնում է նենգամիտ, կծծի՝
Որքան էլ կեղծի ու «բարեգործի»:
Շատ քչերն են, որ հաղթում են փողին
Եվ մաքուր խղճով հանձնվում հողին:

Մնացածները խիստ զարմանում են,
Երբ այն աշխարհում «չփլաղանում են»,
Եվ հոգին դատարկ, առանց վաստակի
Իր տառապանքն է կրում խստագին:

Կհասնե՞ն փողով դրախտի դռան...
Այո, երբ յոթ էշ միասին զռռան:

Խաչիկ-Ապեր
20.06.2014 թ.